पहिलो मजदुर आन्दोलनका नेता रघुनाथ गुप्ताको निधन

by पहिलो नेपाल

४ आश्विन २०७६, शनिबार १६:४१

२०७६ असोज ४, पहिलो नेपाल|
पहिलो मजदुर आन्दोलनका नेता रघुनाथ गुप्ताको निधन भएको छ । उनको शुक्रबार आफ्नै निवासमा निधन भएको हो ।

गुप्ता सुरुवाती मजदुर आन्दोलनका अगुवा नेता हुन् । उनि स्व. मनमोहन अधिकारीका सहयोद्दाको रुपमा पनि परिचीत छन् ।

मजदुर आन्दोलनका अर्का नेता ,संघीय मामिला तथा सामान्य प्रशासन मन्त्री लालबाबु पण्डितले गुप्ताको निधनप्रति गहिरो दुख व्यक्त गरे । उनले मजदुर आन्दोलनको ठूलो खम्बा लडेको उल्लेख गर्दै उहाँको निधनले मजदुर जगत मात्र नभैइ सिँगो नेपाललाई नै अतुलनीय क्षति भएको बताए । उनले श्रद्धाञ्जलीका लागि आफू उपस्थित हुन नपाएकोमा दुख व्यक्त गर्दै गुप्ता परिवारप्रती समवेदना प्रकट गरे ।

संघीय मामिला तथा सामान्य प्रशासन मन्त्री लालबाबु पण्डितले केही दिनअघि स्वास्थ लाभको कामना गर्दैगर्दाको तस्बिर

त्यस्तै अनेरास्ववियु नेता वसिम आलमले पनि रघुनाथ गुप्ताप्रती श्रद्धाञ्जली अर्पण गर्दै ‘उहाँ हाम्रो प्रेरणाको श्रोत भएको र उहाँको निधनले मलाई आफ्नो अभिभावक गुमाएको अनुभुती भएको बताए ।

गुप्तालाई श्रद्धाञ्जली दिन शनिबार नेकपा नेता तथा कार्यकर्ताको उनको निवासमा बाक्लो उपस्थित थियो। नेकपा प्रदेश नं १ का सह इन्चार्ज तथा प्रदेश १ का मुख्यमन्त्री शेरधन राईले पार्टिको झन्डा तथा नेपालको झन्डा ओडाएर गुप्ताप्रती श्रद्धाञ्जली अर्पण गरे ।

त्यस्तै श्रद्धाञ्जली दिन प्रदेश १ का सामाजिक विकास मन्त्री जीवन घिमिरे, नेकपा केन्द्रिय सदस्य बिनोद ढकाल, महेश रेग्मी , अनेरास्ववियु नेता वसिम आलम तथा नेकपा नेता तथा कार्यकर्ता , स्थानीय लगायतको बाक्लो उपस्थिति थियो ।

स्व. रगुनाथ गुप्ताको श्रद्धाञ्जलीका केही तस्बिरहरु