२०७६ असोज ९ , पहिलो नेपाल|
अनेरास्ववियू नेता ओसिम आलमले सरकारले ल्याएको नीति नियमलाई नमान्ने शैक्षिक माफियाहरुलाई जेल हाल्नुपर्ने बताएका छन् । तात्कालिक अनेरास्ववियुका सचिव समेत रहेका आलमले सरकारले ल्याएको नियम मान्दिन भन्दै सरकारलाई चावी बुझाउने मेडिकल क्षेत्रका शैक्षिक माफियाहरुलाई जेल हाल्नुपर्ने बताएका हुन्।
बिहीबार केन्द्रिय प्रविधि क्याम्पस धरानमा अनेरास्ववियूद्वारा आयोजित अगुवा कार्यकर्ता भेला तथा दशै, तिहार शुभकामना आदानप्रदान कार्यक्रममा बोल्दै आलमले भने ‘स्वास्थ क्षेत्रका माफियाहरुले राज्यको नियम मान्दिन, मैले जति चाहन्छु त्यति पैसा असुल्न पाउनुपर्छ भन्दै राज्यलाई चावी बुझाउँदैमा सरकार डगमगाउनु हुँदैन। अनेरास्ववियु र सम्पुर्ण विद्यार्थी सरकारको साथमा छन्।’ साथै माफियाहरुको स्वास्थ क्षेत्र राष्ट्रियकरण गर्नुपर्ने समेत विद्यार्थी नेता आलमले बताए ।
भिडियो:
कार्यक्रममा बोल्दै नेता आलमले राज्यले चोरी गर्नु हुँदैन भन्दा आन्दोलन गर्ने विभिन्न क्षेत्रका माफियाहरुलाई समेत जेल हाल्नुपर्ने बताए ।
नेकपा मोरङका जिल्ला सदस्य समेत रहेका आलमले दशै , तिहार हिन्दुहरुको मात्र पर्व नभएर सम्पुर्ण नेपालिहरुको पर्व रहेको उल्लेख गरे । उनले आफू मुस्लिम भएको र आफू पनि दशै , तिहार मनाउने भएकोले नेपालीहरुको पर्वको रुपमा लिन आग्रह गरे।
कार्यक्रममा अनेरास्ववियू संयोजक ऐन महर, अनेरास्ववियू नेता दिपेश पुन मगर, मदन भट्टराई , लोकेश निरौला लगायतको उपस्थिति थियो ।
