२०७६ असोज १०, पहिलो नेपाल|
बिराटनगरको रोडशेषमा रहेको जागीर सेवा कम्पनीले बेरोजगार युवाहरुलाई रोजगार दिँदै आएको छ । ३ महिना अघि स्थापना भएको कम्पनीले युवाहरूको क्षमता र दक्षता अनुसारको रोजगार दिलाउने गर्दछ ।
नेपालमा बेरोजगारीको संख्या दिनदिनै बढ्दै गईरहेको छ । दैनिक रुपमा बिदेशीने मानिसहरुको संख्या समेत बढिरहेको छ । तिनको स्थायी समाधान र रोजगारीको अवसर सृजना गर्न सरकार चुकिरहेको अवस्थामा प्राइभेट कम्पनीहरुले रोजगार दिईरहेको उदाहरण पनि प्रसस्तै पाईन्छ ।
बिराटनगरमा रहेको जागिर सेवा कम्पनीले अहिले बेरोजगार बसेका युवाहरुलाई रोजगार दिईरहेको छ । कम्पनीका प्रबन्ध निर्देशक मन्दिरा मिश्रले आँफूहरुले स्थापना भएको महिना दिनमै ५ दर्जन बढी युवायुवतीहरुलाई रोजगार दिएको बताईन् । बेरोजगार रहेका युवायुवतीहरुले पनि रोजगार पाउँने र काम गर्ने मानिस खोजिरहेका कम्पनीले पनि सहजै मानिस पाउँछन्, उनले भनिन्, हामीले जागिर सेवा गरेको एक महिना मात्र भएको छ । आँफूहरुले बेरोजगारीको समस्या स्थायी रुपमा समाधान गर्नका लागि उक्त कम्पनी सञ्चालन गरी रोजगार प्रदान गर्दै आएको उनको तर्क रहेको थियो ।
व्यवसायीहरुले सहज रुपमा आँफूले खोजेजस्तो कामदार नपाईराखेको अवस्था पनि रहेको छ, उनले भनिन्, हामीले दक्ष र अनुभवी मानिसहरुलाई तालिम प्रदान गरेरै पनि काममा पठाउने गरेका छौँ ।
यसको कार्यालय विराटनगरको रोडशेषमा रहेको छ ।
कम्पनीले युवाहरुको सर्टिपिकेट र क्षमता अनुसारको रोजगार दिलाईदिने गर्दछ।
