असोज ११, पहिलो नेपाल – मोरङ स्थित इलाका प्रहरी कार्यलय बेलबारीका प्रमुख गुणराज बुढाथोकी ‘सिंगम इन्सपेक्टर’ को रुपमा परिचित छन् । केही महिनाअघि बेलबारिको प्रमुख भएर आएका प्रहरी निरीक्षक बुढाथोकीले बेलबारी लगायत आसपासको क्षेत्रमा शान्ति सुरक्षालाई मजबुत बनाएकै कारण उनिले सिंगमको उपमा पाएक हुन् ।
यसअघि बेलबारी र आसपासका क्षेत्रमा आपराधिक घटना अत्याधिक हुने गरेको भएपनी बुढाथोकी इलाका प्रहरी कार्यलय बेलबारीको प्रमुख भएर आएपछी भने आपराधिक घटना लगभग शून्य नै भएको छ । उनी आएपछि यश क्षेत्रका वासिन्दाले समेत सुरक्षीत महसुस गर्न थालेका छन् ।
इन्सपेक्टर बुढाथोकीले सो क्षेत्रका गुण्डा तथा माफियाहरुलाई तह लगाएका छन् । केही व्यक्तिहरुले राजनैतिक आडमा विभिन्न किसिमका आपराधिक गतिविधि गर्दै आएको भएपनी अहिले त्यो अवस्था नरहेको इन्स्पेक्टर बुढाथोकी बताउँछन् । सो क्षेत्रमा होटल र मदिरा पसलहरु बढी रहेकोले आपराधिक घटना अत्याधिक हुने गरेको भएपनी अहिले कडाई गरिएको छ । बुढाथोकीले भने ‘शान्ति सुरक्षा मजवुत बनाउन कुनै कशुर बाँकी राखेको छैनौँ । होटल व्यवसाय र मफिरा पसलहरुमा राती बढी आपराधिक घटमा हुने भएकोले विशेष निगरानी राख्ने गरेका छौँ । उनले भने , ‘होटल कतिबेलासम्म खुल्ला राख्ने र बन्द गर्ने भनेर हामीले व्यवसायीसँग सहमति गरेका छौं । समयमा होटल बन्द नगर्ने र शंकास्पद गतिविधी गर्नेलाई पक्राउ गर्ने गरिएको छ ।’ साथै उनले विभिन्न अपराधिक घटना हुने गरेका कारण बेलैमा होटल तथा मदिरा पसलहरु बन्द गर्ने गरिएकोले पनि आपराधिक घटनामा कमि आएको बताए ।
बुढाथोकी शान्ति सुरक्षा मजबुत बनाउन खोज्दा असहयोग गर्नेहरु पनि छन् तर आफू त्यसबाट पछि नहट्ने बताउँछन् । विशेषगरि केही होटेल व्यवसायी जस्ले रातिको समयमा अबैध धन्दा गर्ने तथा राजनैतिक आडमा दादागिरी देखाउने गुण्डा र ठेकेदारहरुलाई कारबाहीको दायरमा ल्याउँदा आफुलाई दबाब आउने गरेको उनी बताउँछन् । साथै उनले दशैँ, तिहार लक्षित गरेर सुक्षा व्यवस्था अझ कडा बनाउने उल्लेख गरे ।
प्रहरीको काम नै जनताको जिउधनको सुरक्षा दिने र समाजमा शान्ति सुरक्षा दिने हो। एक स्थानीय बुद्धिजीवीले भने, ‘उहाँले प्रहरी निरीक्षक भएर यहाँ आएपछी निकै राम्रो संकेत देखाउनु भएको छ । प्रहरी मेरो साथी,मुस्कान सहितको प्रहरी सेवा लगायतका अभियानहरुलाई उहाँले कार्यान्वयन गर्दै लैजानु भएकोले स्थानीय वासिन्दाका लागि खुशीको विषय हो ।’
प्रहरी निरीक्षक गुणराज बुढाथोकी बेलबारी आएलगत्तै शान्ति सुरक्षामा कडाई गर्न थालेपछी केही ठेकेदार र होटल व्यवसायीहरुले बुढाथोकीको बिरोध गर्दै आएका छन् । पटकपटक केहि पत्रकारहरुले समेत आफू विरुद्धमा गलत समाचार लेख्दै आईरहेका छन् । उनले भने,’ तर प्रहरीको बर्दी लगाएपछि समाज र राष्ट्रप्रतिको दायित्व र जिम्मेवारीबाट पछि नहटी एउटा सच्चा राष्ट्रसेवकको भुमिका निर्वाह गर्न पछि हट्दिन ।
