जबर्जस्ति करणीको आरोप लागेपछि सभामुख महराद्वारा राजिनामा

असोज १४, पहिलो नेपाल – प्रतिनिधि सभाका सभामुख कृष्ण बहादुर महराले राजिनामा दिएका छन् । एक महिलाले महरामाथी बलात्कारको आरोप लगाएपछि उनले मंगलबार राजिनामा दिएका हुन् ।

संसद भवनमा कार्यरत एक महिलाले आफुमाथी जबर्जस्ति करणी गरेको भनेर महरालाई आरोप लगाएपछी चौतर्फी चर्चा भैरहेको छ । सोही कारणले महराले अनुसंधानका लागि भन्दै उप-सभामुख समक्ष राजिनामा बुझाएका हुन् ।

राजिनामा पत्रमा भनिएको छ, ‘विभिन्न सञ्चार माध्यममा मेरो चरित्रमा गम्भीर प्रश्न उठाई लगाईएको आरोपबारे सत्यतथ्य , निष्पक्ष र स्वतन्त्र छानबिनका लागि अनुसंधान गर्न सहज होस भनी नैतिकताका आधारमा छानबिन नसकिदासम्मका लागि राजिनामा दिएको छु।’