असोज १५, पहिलो नेपाल – सोमबारबाट एकाएक चर्चामा आएको दि हिमालयन रिजर्भ ह्विस्कीको अत्यधिक बिक्रि हुन थालेको छ । चर्चामा आउनुको कारण हो सभामुख कृष्ण बहादुर महरामाथी लागेको बलात्कारको आरोप ।
सभामुख महारामाथी संसदमा कार्यरत महिला रोशनी शाहिले आफुमाथी बलात्कार गरेको भनेर आरोप लगाएपछी रक्सीले चर्चा पाएको हो । उक्त महिलाको कोठामा सभामुख महराले लिएर गएको ‘दि हिमालयन रिजर्भ’ नामक रक्सीको तस्बिर विभिन्न अनलाईनहरुमा आएपछि यस्ले चर्चाको शिखर नै चुमेको छ । अहिले सामाजिक सञ्जालहरुमा उक्त ह्विस्कीको तस्बिर राख्ने ट्रेन्ड नै चलेको देखिन्छ ।
सोमबार बिहानदेखि चर्चामा आएको हिमालयन रिजर्भ ह्विस्किले चर्चा मात्र बटुलेको छैन यस्को बिक्री पनि अत्याधिक हुन थालेको छ । ओएकैदिन देशैभरको डिरलबाट अत्याधिक बिक्री भएपछी यस्को स्टक पनि सकिएको छ ।
हुनत अघिल्लो दिन रोशनी शाहिले महरालाई बलात्कारको आरोप लगाएपनि भोलिपल्ट आफ्नो कुरा फेर्दै महराले बलात्कार नगरेको भनिरहेकी छिन् । यो एउटा अनुसंधानको विषय होला तर यो घटनाले दि हिमालयन ह्विस्कीलाई भने धेरै फाईदा भएको छ । करोडौं खर्च गरेर बिज्ञापन गरेको भन्दा यो घटनाले ह्विस्किको प्रचार बढी भएको एक विश्लेषक बताउँछन् । उनका अनुसार, यो घटनाले रक्सी सम्झाउँछ, र रक्सिले घटना, त्यसकारण यी दुवै एकअर्काका परिपुरक जस्तै भए ।
शारदा समुहको प्रिमियर अर्गानिक प्रालिले उत्पादन गरेको हिमालयन रिजर्भ पूर्णतया नेपालको उत्पादन भने होइन । यसको बोटलिङमात्र प्रिमियर अर्गानिकले गर्ने हो । बाँकी सबै विदेशबाटै आयात हुन्छ। उक्त ह्विस्किमा ४२.८ प्रतिशत अल्कोहलको मात्रा हुन्छ ।
प्रिमियर अर्गानिक प्रालिले माग धेरै भएकाले धान्न गाह्रो परेको जनाएको छ । यद्यपि, माग धेरै भयो भन्दैमा धेरै उत्पादन गर्ने पक्षमा कम्पनी छैन् ।
उसले उत्पादनलाई नियन्त्रण गरेको जनाएको छ । नेपाली बजारमा यसको मूल्य ३ हजार प्रति लिटर छ ।
