असोज १९, पहिलो नेपाल – शनिबारबाट ओमानमा जारी पाँच राष्ट्र सम्मिलित टि- ट्वान्टी क्रिकेट श्रृंखलामामा नेपालले आज पहिलो खेल हङ्कङसँग खेल्दैछ । ओमानस्थित अल अमेरात क्रीकेट मैदानमा नेपाली समय अनुसार दिउँसो सवा ३ बजे सुरु हुनेछ ।
पहिलो खेल जितेर नेपाल प्रतियोगिताको सुखद सुरुवात गर्ने दाउमा छ । उद्घाटन खेलमा आयोजक ओमानसँग पराजित भएको हङकङ पनि प्रतियोगितामा पहिलो जितको खोजीमा हुनेछ । नेपाली टोलिमा अधिकांस युवा खेलाडीको बाहुल्यता रहेको छ ।
हङकङ र नेपालबीच अहिले सम्म टि – ट्वान्टीमा ७ पटक भेट हुँदा नेपाल तीन पटक विजयी हुँदा ४ पटक पराजित हुन पुगेको छ ।
प्रतियोगितामा नेपालसहित ओमान, हङकङ, नेदरल्याण्ड्स र आयरल्याण्ड सहभागी छन् ।
सबै टिमले एक अर्काविरुद्ध खेलेपछि शीर्ष स्थानमा रहने टिमलाई बिजेता घोषित गरिनेछ । नेपालबाहेक चारवटै टिम युएइमा हुने टि ट्वेन्टी विश्वकपको ग्लोबल छनौटको तयारीमा छन् । टि ट्वेन्टी विश्वकप खेल्ने संभावना सकिइसकेको नेपालले भने यस प्रतियोगितालाई आगामी सागको तयारीका रुपमा लिएको छ ।
सिंगापुरमा जिम्बावे सम्मिलित टि ट्वेन्टी श्रृंखला खेलेर नेपाली टोली दोस्रो टि ट्वेन्टी श्रृंखला खेल्न ओमान पुगेको हो ।
