असोज २४, पहिलो नेपाल – सिन्धुपाल्चोकको इन्द्रवती गाउँपालिकाको भोटसीपामा बस दुर्घटना भएको छ । घाइते भएकाहरूकाे स्काभेटर लगाएर उद्धार भैरहेको छ ।
सीपाटारबाट काठमाडौं जाँदै गरेको हेलम्बु यातायातको बा२ ख २७१५ नम्बरको बस भोडसीपामा शुक्रबार बिहान ९ बजेतिर दुर्घटना भएको हो । बस भोटसिपास्थित तिखु मोडवाट करिव दुई सय मिटर तल खसेको छ ।
दुर्घटनामा परि केहिको मृत्यु भएको छ भने घाइतेहरुको उद्धार भैरहेको छ । उनिहरुलो हेलिकप्टरबाट उपचारमा पठाउने प्रयास भइरहेको छ । उक्त गाउँपालिकाको सिपाटारबाट बस काठमाडौँ जाँदै थियो। बस गुडेको एक घण्टामै दुर्घटनामा परेको हो।
घाइते मध्ये केहीको अवस्था गम्भीर भएकोले मृतकको संख्या संख्या बढ्न सक्ने बताइएको छ। बसमा कति यात्रु सवार थिए भन्ने यकिन भइसकेकाे छैन। क्षमताभन्दा बढी यात्रु बोकेका कारण बस दुर्घटनामा परेको अनुमान गरिएको छ। थप विवरण आईसकेको छैन् ।
