असोज २६, पहिलो नेपाल – चिनका राष्ट्रपति सि जिनपिङ दुई दिने नेपालको राजकीय भ्रमण सकेर स्वदेश फर्किएका छन् । शनिबार अपराह्न काठमाडौ ओर्लिएका सि आईतवार दिउँसो साढे दुई बजे चिनतर्फ प्रस्थान गरेका हुन् ।
स्वदेश फर्कने क्रममा राष्ट्रपति सिलाई विमानस्थलमा भव्य बिदाई भएको छ । बिदाईका क्रममा राष्ट्रपति भण्डारी , उपराष्टपति नन्दबहादुर पुन, प्रधानमन्त्री केपि शर्मा ओलि र राष्ट्रसभा अध्यक्ष लगायत उपप्रधानमन्त्री तथा मन्त्रीहरुले भव्य बिदाई गरेका हुन् ।
दुई दिन नेपाल बसाईको क्रममा राष्ट्रपति सिले महत्वपूर्ण भेटवार्ता गरेका छन् । त्यस्तै नेपाल र चिनिबिच २० बुँदे सहमतिपत्रमा हस्ताक्षर समेत भएको छ । नेपालका तर्फबाट प्रधानमन्त्री ओलि र चिनका तर्फबाट राष्ट्रपति सि नेतृत्वको प्रतिनिधिमण्डल बिच भएको छलफलले विभिन्न २० बुँदाहरुमा सहमति गरि हस्ताक्षर भएको हो ।
त्यस्तै नेपाल रहँदा सिले राष्ट्रपति भण्डारीसँग शिष्टाचार भेटवार्ता गरेका छन् । त्यसबाहेक नेकपा अध्यक्ष पुष्पकमल दाहाल, नेपाली काङ्ग्रेसका सभापति शेर बहादुर देउवा र राष्ट्रिय सभा अध्यक्षले छुट्टाछुट्टै भेटवार्ता गरेका छन् भने नेकपा सचिवालय सदस्यहरुले एकमुष्ट भेटवार्ता गरेका छन् ।
