असोज २६, पहिलो नेपाल – चिनका राष्ट्रपति सि जिनपिङको दुई दिने नेपाल भ्रमणले नेपालको पर्यटन प्रवर्द्धन हुने अपेक्षा गरिएको छ । छिमेकी देश चिनबाट त्यसैपनी धेरै पर्यटक आउने भएपनी सिको भ्रमणले त्यसलाई वृद्धि गर्ने अपेक्षा छ ।
विश्वका शक्तिशाली राष्ट्रपति नेपाल आउँदा विश्वको ध्यान नेपालतर्फ नै देखिन्छ । त्यसले विश्वभर नेपालको प्रचार त हुन्छ नै नेपाल घुम्न आउने पर्यटकहरु पनि बढ्नेछन् ।
तथ्यांक अनुसार भारतपछि सबैभन्दा बढी नेपालमा चिनिया पर्यटक भित्रिन्छन् । तर अर्को तथ्यांक अनुसार सिको भ्रमण जहाँ हुन्छ त्यस ठाउँमा चिनिया पर्यटक अत्याधिक वृद्धि हुने गरेको छ । त्यसकारण पनि सिको नेपाल भ्रमणले पर्यटकको संख्या बढ्ने अनुमान लगाउन सकिन्छ । पछिल्लो समय विश्वभर प्रत्येक वर्ष चिनिया पर्यटक दस प्रतिशतले वृद्धि हुने गरेको छ ।
भ्रमण वर्ष २०२० को पुर्वसंध्यामा भएको सिको नेपाल भ्रमणले अझ ठूलो अपेक्षा गरिएको छ । त्यसो त चिनका राष्ट्रपति सि जिनपिङले आफ्नो मन्तव्यकै क्रममा नेपालको भ्रमण वर्ष २०२० लाई सहयोग गर्ने प्रतिबद्धता व्यक्त गरिसकेका छन्। यसकारण पनि सिको नेपाल भ्रमणले नेपालको पर्यटन प्रवर्द्धन त हुनेनै छ, पर्यटकको संख्या पनि बढ्नेछ ।
