पारस खड्काले राष्ट्रिय टिमको कप्तानी छाडे

असोज २८, पहिलो नेपाल – नेपाल क्रीकेट टिमका कप्तान पारस खड्काले राष्ट्रिय टिमको कप्तानी छोडेको घोषणा गरेका छन् । खड्काले झण्डै एक दशकदेखि राष्ट्रिय टिमको नेतृत्व सम्हालिरहेका भएपनी अब कप्तान पद छाड्ने निर्णय लिएका हुन् ।

खड्काले एक विज्ञप्ति जारी गर्दै कप्तानी छाड्ने निर्णयमा पुगेको बताएका छन् । अन्तर्राष्ट्रिय क्रिकेट काउन्सिलले नेपालको निलम्बन फुकुवा गरेको भोलिपल्टै खड्काले यस्तो निर्णय लिएका हुन् । पारसले नयाँ कमिटी क्रिकेटको विकासमा लाग्ने अपेक्षा व्यक्त गरेका छन् ।

उनकै कप्तानीमा नेपालले डिभिजन पाँच बाट एकदिवसीय मान्यता पायो । त्यस्तै टी-ट्वान्टी विश्वकप समेत उनकै कप्तानिमा खेलेको थियो । खड्कालाई दर्शकहरुले नेपाली क्रीकेटको भगवानको रुपमा लिने गर्दछन् ।