कात्तिक ३, पहिलो नेपाल – निवर्तमान सभामुख कृष्णबहादुर महरामाथी बलात्कार प्रयासको उजुरी परेपछि अहिले हिरासतमा रहेका छन् । तर आईतवार आफुलाई बलात्कार प्रयास गरेको भनी महरा बिरुद्ध उजुरी दर्ता गराउने महिला रोशनी शाही स्वयं अदालतमा महरालाई छुटाउनका लागि बयान दिन पुगेकी छिन् ।
उनले प्रहरीको दबाबमा उजूरी दिएको बयान दिएर घटनालाई नयाँ मोड दिएकी छिन् ।
न्यायाधीश बाबुराम सुवेदीको इजलाशमा उनले प्रहरीको करकापमा किटानी जाहेरी दिन वाध्य पारिएको बयान दिइन् । रोशनीको किटानी जाहेरीले महरा १९ असोजमा सभामुखको सरकारी निवासबाट प्रहरी नियन्त्रणमा लिइएका थिए ।
दुई हप्ता हिरासतमा रहिसकेका उनीमाथि अभियोग लगाउने र किटानी जाहेरी दिनेले नै करकापमा दिएको बयान दिएपछि यसले नयाँ मोड लिएको हो ।
रोशनीले शुरुमा मिडियामार्फत् आफूमाथि महराले जर्बजस्ती गरेको आरोप लगाइन् । त्यसलगत्तै उनी महराको पक्षमा उभिदै आफुलाई केही नगरेको र महरा आफ्नो बाउसमान भएको बताएकी थिईन। पछि पुनः आफैले किटानी जाहरी दिइन् र फेरि आफै अदालतमा उपस्थित भई करकापमा उजूरी दिएको बताइन् । उनले आफूमाथि कुनै दुव्र्यवहार नभएको समेत बताइन् । यसले घटनालाई थप रहस्यमय बनाएको छ ।
यता महरालाई भने थप ५ दिन हिरासतमा राख्न काठमाडौँ जिल्ला अदालतले आदेश दिएको छ ।
