कार्तिक ७, पहिलो नेपाल – चर्चित र्यापर समीर घिसिङ उर्फ ‘भिटेन’ पक्राउ परेका छन् । उनलाई महानगरीय अपराध महाशाखाको टोलिले पक्राउ गरेको हो ।
पछिल्लो समय ‘हामी यस्तै त हो नी ब्रो गीत’बाट चर्चा कमाएका भिटेनलाई अश्लील गित गाएको आरोपमा पक्राउ गरिएको प्रहरीले जनाएको छ ।
‘हामी यस्तै त हो नि ब्रो’ चर्चित गीतमा उनले प्रहरीलाई डन्ठेदेखि लिएर अश्लील गाली गरिएको छ । युवा पुस्तामा लोकप्रिय गीत ‘यस्तै त हो नि ब्रो’मा ‘पानी हान्न आइजा बरु म दारु मगाउछु, गाँजा सल्काउछु ।’ जस्ताे शब्द प्रयाेग भएकाे छ साथै उनले उक्त गीतकाे भिडियाेमा गाँजा पनि देखाइएकाे छ ।
प्रहरीले केहीदिनअघि मात्र बीच बीचमा बोलको गित गाएर चर्चामा आएका दुर्गेश थापालाई नियन्त्रणमा लिएको थियो । थापाकाे गीतमा धुमपान, मादक पदार्थ, लागूऔषध खानुपर्छ भन्ने शब्द प्रयोग गरिएको छ । थापाले विवादित उक्त गीत युट्युबबाट हटाएका छन् ।
‘ह्याप्पी तिहार, चिसो बियर’ गीतले थापालाई समाजमा गलत सन्देश दिनुका साथै प्रचलित कानून विपरीत भएको भन्दै गायक थापा आलाेचित समेत बनाएकाे थियाे ।
