कार्तिक ८, पहिलो नेपाल – नेपाल कम्युनिस्ट पार्टी (नेकपा) ले आज कार्यकर्ता प्रशिक्षण तथा चियापान कार्यक्रमको आयोजना गर्दैछ । चाडपर्वलाई लक्षित गरिएको चियापान कार्यक्रमका अवसरमा कार्यकर्तालाई प्रशिक्षण पनि दिने कार्यतालिका छ ।
प्रशिक्षणका लागि पुर्व प्रधानमन्त्री तथा अध्यक्ष पुष्पकमल दाहाल (प्रचण्ड) र उपप्रधान तथा रक्षा मन्त्री एवम् पार्टी स्कुल विभाग प्रमुख इश्वर पोख्रेल आउने भएका हुन् ।
दुई वर्षदेखि पार्टिको मुल नेतृत्वबाट जिल्ला तहमा वैचारिक प्रशिक्षण नभएको भन्दै चियापानलाई प्रशिक्षणमूलक बनाउन लागेको नेकपा एक नेताले बताए । ११ बजेबाट सुरु हुने प्रशिक्षणमा अध्यक्ष प्रचण्ड र स्लुक विभाग प्रमुख इश्वर पोख्रेलले करिब २ घन्टा प्रशिक्षण दिने बताईएको छ ।
चियापानका लागि १ नम्बर प्रदेशभरी निम्ता पठाईएको जनाईएको छ । चियापानका लागि पाँच हजारभन्दा बढिलाई प्रत्यक्ष निमन्त्रणा कार्ड पठाएको नेकपा मोरङले जनाएको छ ।
बिहान ११ बजेबाट पार्टिको आन्तरिक प्रशिक्षण कार्यक्रम रहनेछ भने ३ बजेपछी आमन्त्रितहरुलाई निमन्त्रणा गरिएको बताईएको छ ।
