सातै प्रदेशका प्रदेश प्रमुख बर्खास्त

कार्तिक १७, पहिलो नेपाल – राष्ट्रपति विद्यादेवी भण्डारीले सातै प्रदेशका प्रदेश प्रमुखहरुलाई बर्खास्त गर्नुभएको छ । आज बसेको मन्त्रिपरिषद्ले सातै प्रदेशका प्रमुखहरुलाई हटाउन राष्ट्रपति समक्ष सिफारिस गरेपछि राष्ट्रपतिले सबै प्रदेश प्रमुखहरुलाई बर्खास्त गर्नुभएको हो ।

मन्त्रिपरिषदको सिफारिसमा प्रदेश प्रमुखलाई बर्खास्त गरिएको राष्ट्रपति कार्यलयबाट जारी विज्ञप्तिमा उल्लेख छ ।

२०७४ साल माघ ३ गते शेरबहादुर देउवा नेतृत्वको सरकारले सातै प्रदेश प्रमुखहरुको नियुक्त गरेको थियो। प्रदेश १ मा गोविन्दबहादुर तुम्बाहाङ, २ मा रत्नेश्वरलाल कायस्थ, ३ मा अनुराधा कोइराला, गण्डकी प्रदेशमा बाबुराम कुँवर, ५ मा उमाकान्त झा, कर्णालीमा दुर्गाकेशर खनाल र सुदुरपश्चिममा मोहनराज मल्ललाई प्रदेश प्रमुख नियुक्त गरिएको थियो ।