कार्तिक २७, पहिलो नेपाल – भारतले लिपुलेक, कालापानी र लिम्पियाधुरालाई आफ्नो राजनैतिक नक्सामा समावेश गरेको बिरोधमा धनकुटामा पनि प्रदर्शन भएको छ । धनकुटा पाख्रीबासस्थित जालपादेवी क्याम्पस स्ववियुको नेतृत्वमा भएको हो ।
बिरोध प्रदर्शनमा स्थानीय सरकारी तथा निजि विद्यालयका विद्यार्थीहरु साथै बाल क्लब, स्थानीय अन्य संघसंस्थाहरुको गरि करिव एक हजार जनाको उपस्थिति रहेको थियो । विद्यार्थीहरुले भारतीय विस्तारवदको विरुद्ध प्रशर्दन गर्दै नेपाली भुभाग फिर्ताको माग राखेका थिए । प्रदर्शनका क्रममा विद्यार्थीहरुले ‘गो ब्याक इन्डिया’ को प्लेकार्ड समेत बोकेर नाराबाजी गरेका थिए ।
पाख्रीबास बजार परिक्रमापछि आयोजीत कोण सभालाई साबिक अनेरास्ववियु जिल्ला कमिटी धनकुटाका संयोजक अङ्कित थापा, पाख्रीवास नगरपालिका वडा नम्बर ४ वडा अध्यक्ष सोभित निरौला , स्ववियु सभापति साबित्रा घिमिरे, युवा नेता ध्रुव पौडेल लगाएत अन्य स्थानीय बुद्धिजीवी तथा विद्यार्थीहरुले सम्बोधन गरेका थिए । उनीहरुले भारतीय हस्तक्षेपको विरुद्ध सिंगो देश एक भएर उभिएको बताएका थिए।
