मंसिर ५, पहिलो नेपाल – प्रधानमन्त्री ओलीले सरकारको स्प्रिटअनुसार काम गर्न नसकेको भन्दै ६ मन्त्रीलाई बर्खास्त गरे। त्यसमा संघीय मामिला तथा सामान्य प्रशासन मन्त्री लालबाबु पण्डित पनि परे । ओली सरकारका मन्त्रीहरूमा उनी गोकर्ण विष्ट सँगै राम्रो काम गर्नेको सूचीमा थिए । तर ओलि सरकारले पुनर्गठन गरेको मन्त्रीमण्डलबाट राम्रो काम गर्ने लालबाबु पण्डित र गोकर्ण विष्टलाई हटाएपछि अहिले सामाजिक सञ्जालमा चौतर्फी विरोध भैरहेको छ ।
डिवी पिआरधारी कर्मचारीलाई कारवाही गरेर चर्चामा आएका लालबाबु पण्डित ओली सरकारमा पनि संघिय मामिला तथा सामान्य प्रशासनमन्त्री बने । पण्डितले सामान्य प्रशासन मन्त्रालय समाल्दा परिस्थिति असमान्य थियो । कर्मचारीलाई समायोजनमा पठाउन निकै चुनौति थियो ।
उनले ४४ हजार कर्मचारीलाई समायोजनमा पठाए । कर्मचारीलाई सजाय र पुरस्कारको ब्यवस्था गरी ठुलो समस्या सामधान पनि गरे । तर सिंहदरवारमा बर्षाैदेखि राज गरेका कर्मचारीका लागि भने उनी टाउको दुखाईको बनेका थिए । प्रधानमन्त्री ओलीले उनलाई पनि सफल मन्त्री मानेनन् र पण्डित दण्डित बने ।
जनताको माझमा मात्र हैन, प्रधानमन्त्रीको आफ्नै कार्यसम्पादन मूल्यांकनमा पनि उत्कृष्ट काम गर्नेको सूचीमा परेका मन्त्री पण्डित पुनर्गठित मन्त्रिपरिषदमा अटाएनन् । मन्त्री पण्डितले ९ हजारभन्दा बढी कर्मचारीले निवेदन दिएको स्वेच्छिक अवकास योजना रोकेर कर्मचारीलाई काममा लगाएपछि सबैमाझ लोकप्रिय भए । तर अस्थायी सरकार र अन्य मन्त्रीलाई हेपेर बसेका कर्मचारी भने मन्त्रीप्रति रूष्ट बने । कर्मचारी र लालबाबुको केहि टकराब पनि बढ्यो । कर्मचारी युनियनले पण्डितलाई हटाइदिने चेतावनी समेत दिए ।सरकार र मन्त्रीलाई नै नटेर्न्ने कर्मचारीहरुलाई खटाएको ठाउँमा नगए जागिर चट गरिदिने भनेपछि सबै कर्मचारी आफ्नो कार्यस्थलमा गएका थिए ।
संघीयता कार्यान्वयनको मुल पाटो रहेको कर्मचारी समायोजन विश्वमै चुनौती रहेको अवस्थामा मन्त्री पण्डितले सहजै र कम समयमा सकेका थिए । संघीयतामा गएका विश्वको कुनैपनी मुलुकमा कर्मचारी समायोजन सहज र छिटो भएको अवस्था छैन् । कर्मचारी समायोजन छिटो गरे पनि प्रधानमन्त्रीले पद खोसेपछी यतिबेला सबैजना आश्चर्यमा परेका छन् ।
कर्मचारी समायोजन ऐन निर्माण हुँदै गरेको अवस्थामा सरकारले पण्डितको ठाउँमा नयाँ मन्त्री हृदेश त्रिपाठी ल्याएको छ। २०७४ मा त्रिपाठीले वामगठबन्धनबाट चुनाव जितेका थिए। उनले कार्यभार बिहीबार सम्हालेका छन् ।
