देशभर मौसल बदली, वर्षा र हिमपातको संभावना

मंसिर १०, पहिलो नेपाल – पश्चिमी न्यून चापीय प्रणालीको प्रभावका कारण देशका अधिकांश क्षेत्रको मौसम प्रभावित भएको छ । हाल देशभरका अधिकांश क्षेत्रका आंशिकदेखि सामान्य बदली भएको छ ।

मंगलबार दिउँसो देशभर आंशिकदेखि सामान्य बदली रहने मौसमविदले बताएका छन् । सुदूर–पश्चिमको पहाडी क्षेत्रका एक–दुई स्थानमा हल्का वर्षा हुनेछ । यस्तै उच्च पहाडी क्षेत्रमा हल्कादेखि मध्यम हिमपात हुने सम्भावना छ ।

यस्तै मंगलबार राति देशभर आंशिकदेखि सामान्य बदली रहने मौसमविदले जनाएका छन् । सुदूर–पश्चिमका पहाडी क्षेत्रमा एक–दुई स्थानमा हल्का वर्षा हुने सम्भावना छ । राति पनि हिमाली क्षेत्रमा हल्कादेखि मध्यम हिमपात हुने जनाइएको छ ।