मंसिर १०, पहिलो नेपाल – धरान उपमहानगरपालिकाको आगामि मंसिर १४ गते हुने उपनिवार्चनमा नेपाल कम्युनिस्ट पार्टी (नेकपा) का उम्मेद्धवार प्रकास राईलाई जिताउन धरानका मुस्लिम समुदायहरु एकजुट भएका छन् । साेमबार धरान ३ पुरानो बजार स्थित अल नेपाल मुस्लिम संगठनले निवार्चन लक्षित सभा आयोजना गर्दे नेकपा उम्मेद्धवार राईलाई जिताउने प्रतिबद्धता गरेका छन् ।
केहिदिन अगाडी चुनावि प्रचार प्रसारको क्रममा नेपालि काग्रेसले मुस्लिम समुदायको नवाज बिथोलेको भन्दै घोर आपत्ति समेत जनाएका उनिहरुले नेकपाका उमेदवार प्रकाश राईलाई जिताउने निर्णयमा पुगेका हुन् । मुस्लिम समुदायको लागि नेपालि काग्रेसले कुनै पनि उल्लेखनिय काम नगरेको भन्दै उनिहरुले नेकपा उम्मेद्धवार प्रकाश राईलाई नै जिताउन समेत आग्रह गरेका छन् ।
कार्यक्रममा बोल्दै कार्यक्रमका प्रमुख अतिथि तथा नेकपा प्रदेश ईन्चार्ज भिम आचार्यले बहुदल नेपालि काग्रेसको एजेण्डा नरहेको बताएका छन् । नेपालि काङ्ग्रेसलाई उनले भिजन बिनाको पार्टीको रुपमा चित्रित गर्दै काङ्ग्रेसकै नेतृत्वमा नेपालमा रहेका सबै उधोगधन्दाहरु ध्वस्त बनाई निजिकरण गरेको समेत उनले आरोप लगाए । उनले कार्यक्रममा बोल्दै जातिवादी पार्टीहरु धेरै दिन नटिक्ने समेत बताएका छन ।
नेकपाका केन्द्रिय सदस्य मेफुज आलमले नेपालि काग्रेसको सरकार हुदा मुस्लिम समुदायको विशेष पर्व ईद बक्रईदमा सार्वजानिक विदाको आग्रह गर्दा बकमफुस्रे कुरा गरेर कुरा टालेको बताए । उनले भने, ‘यसरी कुनै पनि समुदायको धर्म र सस्कृतिको सम्मान नगर्ने पार्टीलाई सबैले बहिष्कार गर्नुपर्छ।’ साथै उनले नेकपाको जित नभए धरानको समृद्धी असम्भव रहने समेत उल्लेख गरे ।
त्यस्तै,अनेरास्ववियूका नेता ओसिम आलमले नेकपा कुनै धर्म विषेश पार्टी नरहेको र नेकपाले सबै धर्म, समुदायका नागरिकलाई सम्मान र संरक्षण गर्ने उल्लेख गर्दै धरानको विकास र समृद्धि अनि मुस्लिम समुदायको हित र संरक्षणको लागि प्रकाश राईलाई जिताउनुको बिकल्प नरहेको उल्लेख गरे ।
नेकपा सुनसरी जिल्ला सदस्य भिमज्वला राइले धरानको समृद्धी विकाश र सबै जातित्वको सम्मान र सुरक्षाको लागि नेकपाको नेतृत्व जरुरी रहेको बताए । साथै उनले नेपालि काग्रेसले एकात्मकवादी र एकलधर्मवादी को नारालाई बोकेर हिडेको बताउँदै काङ्ग्रेसले कुनै पनि समुदायको धर्म र सस्कृतिलाई कुनै हालतमा सम्मान र सुरक्षा दिन नसक्ने उल्लेख गरे । पटक पटक नेपालि काग्रेसले गरेको नकरात्मक गतिविधिलाई औल्याउदै उनले १४ गतेको निवार्चनमा यसको हिसाब किताब गर्ने समेत चेतावनि दिएका थिए ।
सभालाई सम्बोधन गर्दे नेकपाका उम्मेद्धवार प्रकाश राइले धरानका मुस्लिम समुदाय एक ईतिहास रहेको बताउदै मुस्लिम समुदायको मुद्दा र समस्या माथि आफु जहिल्यै प्रतिबद्ध रहने बताए । साथै उनले मुस्लिम समुदायको मदरसा पठनपाठनको व्यवस्थाको लागि पनि नेकपाले पहल गरिरहेको उल्लेख गरे ।
सभामा अनेरास्ववियूका नेता प्रवेश आलम, वडा नं ९ वडाध्यक्ष रत्नबहादुर कटुवाल, फिरोज अलि, बिकाश बनेपालि लगायतले बोलेका थिए ।
