मंसिर १५, पहिलो नेपाल – नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’को नेतृत्वमा पार्टीका ६० जना नेता तथा कार्यकर्ता चीन भ्रमणमा जाने भएका छन् ।
यही मङ्सिर २४ गते जाने टोलीमा पार्टीका स्थायी कमिटी तथा केन्द्रीय समितिका सदस्यहरू तथा केही केन्द्रिय कमिटीभन्दा बाहिरका नेताहरु समेत रहनेछन् ।
चिनियाँ कम्युनिस्ट पार्टीले एक वर्षभित्र नेकपाका सबै केन्द्रीय कमिटी सदस्यलाई चीन घुमाइसक्ने योजना रहेकोले पहिलो टोली प्रचण्डको नेतृत्वमा जान लागेको एक नेताले जानकारी दिए ।
भ्रमण टोलीले चीनले गरेको विकासका कामहरू अवलोकन गर्नेछन्। साथै केही सैद्धान्तिक छलफल पनि हुने बताईएको छ । यसअघि चीनका राष्ट्रपति सी चिनफिङले नेपालको भ्रमण गर्नुभएको थियो भने चिनियाँ कम्युनिस्ट पार्टीले नेकपासँग नेपालमा बृहत् अन्तरक्रिया कार्यक्रम गरिसकेको छ । सोही अन्तरक्रिया कार्यक्रमअन्तर्गत नेकपा नेताहरूको भ्रमण हुन लागेको हो ।
अध्यक्ष प्रचण्ड तीन दिनमा स्वदेश फर्किने छ्न् भने अन्य नेता १० दिनसम्म त्यहीँ रहने एक नेताले बताए । यसअघि चिनियाँ कम्युनिस्ट पार्टीकै निमन्त्रणामा नेकपा सम्बन्ध युवा विद्यार्थीहरुको टोलिले १७ दिने चिन भ्रमण गरिसकेको छ ।
