मंसिर १९, पहिलो नेपाल – पूर्वराजा ज्ञानेन्द्र शाहले पछिल्लो समयमा राक्षसी शक्तिको बाहुल्यता बढेकोले सबै एकजुट भएर पराजित गरेर भगाउनुपर्ने बताएका हुन् ।
धार्मिक भ्रमणमा तानसेन आएका पूर्वराजा शाहले बिहीबार तानसेनस्थित श्री ७ रणउजिरेश्वरी भगवतीमा पूजाआरधना गर्नेक्रममा उनले अहिले मुलुकको परिस्थिति अप्ठ्यारो अवस्थामा रहेको बताएका छन्। मुलुकको अहित चाहनेहरूले विभिन्न चलखेल गरिरहेको उनले दाबी गरेका छन्।
अहिलेको परिस्थिति अलि अप्ठेरो अवस्थामा रहेको आफूलाई महसुस भएको उनले बताए। त्यसले आफ्नो मनभित्र राष्ट्रप्रतिको राष्ट्रियता जगाएको उनी बताउछन्।
जबसम्म देशमा शान्ति हुँदैन तबसम्म सबै नेपाली ढुक्क भएर बाँच्न नपाइने उनले बताए। मुलुकमा सबै बाँच्न पाउने गरी शान्ति स्थापना गर्न जस्तोसुकै परिस्थिति भए पनि नेपाली एक ढिक्का भएर लाग्नुपर्ने पूर्वराजा शाहको भनाइ छ।
