मंसिर २५, पहिलो नेपाल – मोरङ क्षेत्र नं. ६ का संघीय सांसद तथा पुर्व संघीय मामिला तथा सामान्य प्रशासन मन्त्री लालबाबु पण्डितले संघीय विकास कोष मार्फत आफ्नो निर्वाचन क्षेत्रमा ६ करोड रुपैया विकासका लागि विनियोजन गरेका छन् ।
स्थानीय पुर्वाधार बिकास साझेदारी कार्यक्रम अन्तर्गत मोरङ जिल्ला निर्वाचन क्षेत्र नं. ६ बाट निर्वाचित सांसद पण्डितले चुनावको बेला गरेको बाचाहरुलाई पूरा गर्नका लागि संघीय विकास कोषबाट बजेट विनियोजन गरेका हुन् । मोरङ क्षेत्र नं. ६ मा पर्ने तीन स्थानीय तह अन्तर्गत सडक, भवन लगायतका पुर्वाधार विकासका लागि बजेट विनियोजन भएको छ ।
यस्तो छ सांसद लालबाबु पण्डितले विनियोजन गरेको बजेट र योजनाको विवरण :
सुन्दरहरैचा नगरपालिकामा मात्र १ करोड ९९ लाख रुपैयाँ विनियोजन भएको छ । जसअन्तर्गत वडा नं. २ को बेलडाँगी मझुवा सडकको लागि ५० लाख, वडा नं. ३ स्थित मालती आमझोकि बाँधका लागि १६ लाख ५० हजार, वडा नं. ४ मा सुर्य कंटेलको घर हुँदै हुलाकी मार्ग सडक निर्माणका लागि १७ लाख ५० हजार, वडा नं. ५ को वडा कार्यलय खोक्सि देखि स्वास्थ चौकी जाने बाटोको लागि ५० लाख, वडा नं. ६ मा कुमार चौक सुकुना पुल निर्माणका लागि १० लाख र साजिलाल उमावी भवन निर्माणका लागि १२ लाख ५० हजार, वडा नं. ७ प्रहरी चौकी निर्माणका लागि २२ लाख ५० हजार छ भने गोठगाउँ देखि दक्षिण मध्याली मार्गको लागि २० लाख बजेट विनियोजन भएको छ ।
त्यस्तै बुढिगंगा गाउँपालिकामा पनि १ करोड ९९ लाख बजेट विनियोजन भएको छ । जसमा वडा नं. २ मा देविथान प्रतिष्ठान सामुदायिक भवन निर्माणका लागि १० लाख, अमाही सन्तोषी घरदेखी लैलचौक सम्म सडक ग्राबेलका लागि १० लाख , वडा नं. ३ मा गौरी टोल सिग्देल देखि उत्तर हुँदै आकाश टोल सम्म उच्च ग्राबेलका लागि १० लाख, गोकुवा चौकदेखी जनता प्रावी जाने सडक कालोपत्रेका लागि ५० लाख, वडा नं. ४ मा रहेको मनमोहन पोलिटेक्निक उपकरण खरिदका लागि १० लाख, गोकुवा सिंघिया खोला पुलछेउ छट घाट निर्माणका लागि ५० लाख, वडा नं. ५ को हात्तिमुडामा दुर्गा प्राविदेखी जलसरको घर जाने नालासहितको ग्राबेल बाटोको लागि १० लाख, अमात टोलको बाटोको लागि १० लाख, वडा नं. ६ मा सरस्वती मावीको २ कोठे भवन निर्माणका लागि १९ लाख र मदाजा विश्रान्ती घाट निर्माणका लागि १० लाख बजेट विनियोजन भएको छ ।
बिराटनगर महानगरपालिकाका लागि २ करोड २ लाख बजेट विनियोजन भएको छ । जस अन्तर्गत वडा नं. ४ स्थित गिता बास्तोलाको घर हुँदै भिम बस्नेतको घरसम्म रिटेलिङ वालको लागि २४ लाख, वडा नं. ५ मा श्रुति मार्ग पिच सडक निर्माणका लागि २० लाख, श्रीकृष्ण मार्ग पक्की नाला निर्माणका लागि १५ लाख, वडा नं. ६ मा लालिगुरास टोलदेखी बरमपुराको केशलिया रोडसम्म पिच निर्माणका लागि ५० लाख, सरोचिया शैलेस मन्दिर भवन निर्माणका लागि १० लाख, वडा नं. ७ मा हरियाली टोल स्थित सामुदायिक भवन निर्माणका लागि १० लाख, वडा नं. ११ मा झि गुठी सामुदायिक भवन निर्माणका लागि १० लाख, पञ्चमुखी चौक पश्चिम वडा नं. ११ र १२ सिमानको पिच (पक्की नालासहित) का लागि ५० लाख र वडा नं. १२ बखरी प्रहरी चौकी भवन निर्माणका लागि १० लाख बजेट विनियोजन भएको छ ।
