पुस ५, पहिलो नेपाल – प्रदेश ३ सरकारले भ्रमण वर्ष २०२० का लागि गौरिका सिंह र श्रृंखला खतिवडालाई शुक्रबार सद्भावना दूत नियुक्त गरेको छ । गौरिका गत साता सम्पन्न १३ औं दक्षिण एसियाली खेलकुद (साग) की ४ स्वर्ण पदक विजेता पौडी खेलाडी हुन् भने श्रृखंला खतिवडा पूर्व मिस नेपाल हुन् । उनीहरु प्रदेश ३ सरकारको सद्भावना दूत नियुक्त भएका हुन् ।
१७ वर्षे गौरिकाले गत साता सम्पन्न सागमा ४ स्वर्ण, २ रजत र टिम इभेन्ट्समा ३ कास्य पदक जितेर इतिहास रचेकी थिइन् । सागको पौडीमा एकलतर्फ स्वर्ण पदक जित्ने गौरिका एक्ली नेपाली हुन् ।
गौरिका हाल बेलायतमा परिवारका साथ बस्दै आएकी छिन् । उनले सन् २०१६ मा भएको १२ औं सागमा १ रजत र ३ कास्य पदक जितेकी थिइन् ।
खतिवडा भने प्रदेश ३ सरकारको मुख्यालय रहेको हेटौंडाकी स्थानीय बासिन्दा पनि हुन् ।
Facebook Comments
