संघीयता बिरोधिहरु सल्बलाएकाले जनप्रतिनिधिहरु सचेत हुनुपर्छ : मुख्यमन्त्री राई

पुस २८, पहिलो नेपाल – प्रदेश १ का मुख्यमन्त्री शेरधन राईले संघीयता विरोधीहरु निकै सल्बलाएकाले जनप्रतिनिधिहरुले अधिकार प्रयोग गर्दा गम्भीर र संवेदनशील हुर्नुपर्नेतर्फ सचेत गराए ।

विराटनगरमा सोमबारदेखि शुरु भएकोे तेश्रो प्रदेश समन्वय परिषदको बैठकको उद्घाटन गर्दै उनले तिनै तहको सरकारले जनताको चाहाना र आकाँक्षा अनुसार प्रभावकारी रुपमा काम गर्न नसके संघीय प्रणालीसँगै प्रदेशको लागि दुर्भाग्य हुने बताए ।

बैठकमा प्रदेश १ का मन्त्रीहरु, प्रदेश सांसदहरु, महानगरपालिका, उपमहानगरपालिका, नगरपालिका र गाँउपालिकाका प्रमुख उपप्रमुखहरुको सहभागिता रहेको छ ।