पुस २९, पहिलो नेपाल – नेपाल कम्युनिष्ट पार्टी (नेकपा) मोरङले जिम्मेवारी बाडफाड गरेको छ ।जिम्मेवारी बाँडफाँड गरेसँगै नेकपा मोरङका दुई प्रभावशाली युवा नेताद्वय ओसिम आलम र पर्शुराम बस्नेतले समेत दुई भिन्नभिन्न विभागको प्रमुखको जिम्मेवारी पाएका छन् ।
केन्द्रीय सदस्य धनेन्द्र बस्नेत, गोपी अछामी, देउमान सम्वाहाङ्फे र महेश रेग्मीको उपस्थितिमा भएको बैठकले प्रभावशाली युवा नेता ओसिम आलमलाई विद्यार्थी फाँट प्रमुखको जिम्मेवारी सुम्पिएको छ भने अर्का प्रभावशाली युवा नेता पर्शुराम बस्नेतले युवा तथा खेलकुद विभाग प्रमुखको जिम्मेवारी पाएका हुन् ।
नेकपा माेरङ अध्यक्ष ऋषिकेश पोखरेलकाे अध्यक्षतामा बसेकाे बैठकले दुई प्रभावशाली युवा नेताद्वयलाई भिन्नभिन्न विभागको जिम्मेवारी सुम्पिएको हो । दुई युवा नेताहरु मोरङको प्रभावशाली नेताको रुपमा चिनिन्छन् । दुवै नेताको युवा समर्थकहरु धेरै भएकाले उनिहरुले मोरङको राजनीतिमा ठूलो प्रभाव जमाउँदै आएका छन् । मोरङमा मात्र नभएर केन्द्रीय तहमा समेत राम्रै पहुँछ रहेको बताईन्छ ।
दुवैजना तत्कालीन नेकपा एमाले निकट युवा नेता हुन् । ओसिम आलम तत्कालिन अनेरास्ववियुको केन्द्रिय सचिव थिए भने पर्शुराम बस्नेत तत्कालिन युवा संघ नेपालको उपाध्यक्ष थिए। आलम माधव नेपाल निकट मानिन्छन् भने बस्नेत ओलि निकट नेताको रुपमा चिनिन्छन् ।
