माघ ५, पहिलो नेपाल – अनेरास्ववियू पिण्डेश्वर क्याम्पस कमिटी धरानको आयोजनामा पर्यटन प्रवर्द्धनमा सहयोग पुर्याउने उद्धेश्यले धरान उपमहानगरपालिकाका अन्तरक्याम्पस स्तरीय “पर्यटन प्रवर्द्धनमा युवाहरुको भुमिका” बिषयक वक्तृत्वकला कार्यक्रम सम्पन्न भएको छ ।
उक्त कार्यक्रमकाे अध्यक्षता क्याम्पस कमिटी अध्यक्ष महेश अधिकारीले गरेका थिए ।अनेरास्ववियू केन्द्रीय निर्वाचन आयोगका अध्यक्ष भास्कर खनाल प्रमुख अतिथि रहेको कार्यक्रममा धरानका ८ वटा क्याम्पसका १६ जना प्रतिस्पर्धी रहेकाेमा धरान मोडल क्याम्पसकी सर्मिला बस्नेतले प्रथम स्थान हात पारिन भने धरान मोडलकै शुशिला धमला द्धितीय भइन । त्यस्तै मरब क्याम्पसकी सञ्जिता धमला तृतीय र धरान सिटी कलेजका निश्चल खत्रि सान्त्वना भए। बिजेताहरुले क्रमश रु ३५००,२०००,१००० र ५०० नगदका साथ प्रमाणपत्र प्राप्त गरे।
अनेरास्ववियू केन्द्रीय सदस्य खेम रणपहेलि तथा क्याम्पस प्रमुख प्रा.डा.चन्द्रमणि नेपाल बिशेष अतिथि रहेकाे उक्त कार्यक्रममा अनेरास्ववियू सुनसरी अध्यक्ष जिवी गजल,उपाध्यक्ष रोशन रेग्मी,धरान १३ का अध्यक्ष नेत्र प्रसाद काफ्ले लगायत अतिथिहरुले शुभकामना दिएका थिए ।
सचिव टीका अधिकारी(सुजन) र सहसचिव अनुप ढुङ्गेलले संयुक्त रुपमा सञ्चालन गरेकाे कार्यक्रममा उपाध्यक्ष नरेन्द्र ढुङ्गेलले स्वागत मन्तव्य राखेका थिए ।
