माघ ६, पहिलो नेपाल – नेकपाले सभामुखको उम्मेद्वारको टुंगो लगाएपछि उपसभामुख डा. शिवमाया तुम्बाहाङ्फेले राजीनामा दिएकि छन् ।
प्रधानमन्त्री केपी शर्मा ओलीको आग्रहमा प्रतिनिधिसभाको बैठक बस्नुअघि उपसभामुखले राजीनामा दिएकि हुन्।
आइतबार नेकपाले अग्नी सापकोटालाई सभामुखको उम्मेद्वार बनाउने निर्णय गरेको थियो ।
सभामुख उम्मेद्वार तय भएपछि निकास दिने बताउँदै आएकी उपसभामुख तुम्बाहाङ्फेलाई आइतबार नेकपा सचिवालय बैठकअघि प्रधानमन्त्री ओलीले छलफल पनि गरेका थिए ।
उपसभामुखको राजीनामा पछि बैठकको अध्यक्षता जेष्ठ सदस्यका हैसियतमा राजपा अध्यक्ष मण्डलका नेता महन्थ ठाकुरले गर्ने भएका छन्।
सभामुख निर्वाचन प्रक्रिया आजै ४ बजे बस्ने बैठकबाट अघि बढ्नेछ ।
Facebook Comments
