माघ ९, पहिलो नेपाल – अमेरिकी राष्ट्रपति डोनाल्ड ट्रम्पले पाकिस्तान भ्रमण गर्ने सम्भावना रहेको अधिकारीहरूले बताएका छन्। पाकिस्तानी अधिकारीहरूले यसबारेमा जानकारी गराएको चिनियाँ समाचार एजेन्सी सिन्ह्वाले उल्लेख गरेको छ। पाकिस्तानका विदेशमन्त्री शाह मोहम्मद कुुरेशीले राष्ट्रपति ट्रम्पले निकट भविष्यमा नै पाकिस्तान भ्रमण गर्ने सम्भावना रहेको बुधबार जानकारी गराएका छन्।
पाकिस्तानका प्रधानमन्त्री इमरान खान र अमेरिकी राष्ट्रपति ट्रम्पबीचमा डाभोसमा भएको भेटका क्रममा ट्रम्पको पाकिस्तान भ्रमणका बारेमा कुराकानी भएको कुुरेशीले बताएका छन्। विश्व आर्थिक मञ्चको कार्यक्रममा सहभागी हुन गएका बेला दुई नेताहरूबीच ‘साइड लाइन’ वार्ता भएको थियो।
यसैविच नेपालले पनि अमेरिकी राष्ट्रपति ट्रम्पलाई नेपाल भित्र्याउन पहल गर्ने सम्भावना रहेको छ। चिनिया राष्ट्रपति सि चिङफिङले नेपाल भ्रमण गरेपश्चात गरिएको पत्रकार सम्मेलनमा अमेरिकी राष्ट्रपति ट्रम्प र रसीयालि राष्ट्रपति भ्लादिमिर पुटिनलाई पनि नेपाल भ्रमण गराउने पहल थालिएको बताईएको थियो। यसैकारण पनि ट्रम्प दक्षिण एसियाली राष्ट्र पाकिस्तान आएको बेला केही समयको लागि नेपाल आउन सक्छन्। त्यसको लागि नेपालले पनि पहल थालिसकेको उच्च श्रोतले जानकारी गराएको छ।
