माघ ११, पहिलो नेपाल – विधार्थीको सहजताका निम्ति अनेरास्ववियूले हेल्प डेस्क संचालनमा ल्याएको छ । सुकुना बहुमुखी क्याम्पस अनेरास्ववियूले बिहिवार देखी हेल्प डेस्क संचालन गरेको हो ।
राष्ट्रिय परीक्षा बोर्डको कक्षा ११ र १२ लगायत त्रिभुवन बिश्वबिद्धालयले विभिन्न तहको परीक्षा फराम खुल्ला गरेको छ । फारम भर्ने समयमा काउन्टरमा अत्याधिक भिडभाड हुने, बिद्यार्थीहरुमा फारम भर्न अस्पष्टता रहने, फेबिगम, टिपेक्स एवम् आवश्यक सामाग्रीको व्यवस्थापन, अन्य प्रशासनिक समस्याको समाधानको निम्ति अनेरास्ववियू सुकुनाले हेल्पडेस्क राखेको हो ।
अनेरास्ववियूले संचालन गरेको हेल्पडेस्कबाट निकै राहत पुगेको र बिद्यार्थीको सुखदुखमा अनेरास्ववियूले सधैं साथ दिएको कक्षा १२ मा अध्ययनरत छात्रा सुस्मिता ढकालले बताइन् क्याम्पस प्रमुख चन्द्रमणी राईका अनुसार अनेरास्ववियूको सहयोगले भिडभाडमा निकै सहजता थपेको छ ।
विशेषगरी कक्षा ११ र १२ का बिधार्थीहरुमा परिक्षा फारम भर्ने सम्बन्धी अस्पष्टता निकै रहने गरेको छ । धेरै फारम बिग्रने, लेखाईमा त्रुटिहरु हुने, बिषय कोडहरु नमिल्ने भएका कारण समस्या हुने गरेको छ । हेल्प डेस्कमा बसेर बिद्यार्थीको समस्या र गुनासोहरुको समाधानमा अनेरास्ववियूका बिद्यार्थी नेताहरु लागि परेको देखिन्छन् ।
अनेरास्ववियूको काम बिद्यार्थीको समस्या समाधानमा सहयोग गर्नु भएको भन्दै बिद्यार्थीका हरेक सुखदुखमा अनेरास्ववियूले साथ दिएको स्ववियु उपसभापति मिलन घिमिरेले वताए । आवश्यकतालाई मध्यनजर गर्दै केही दिन सम्म हेल्पडेस्क चल्ने उनले वताए । परिक्षा फारम खुले बखत हरेक बर्ष अनेरास्ववियूको हेल्पडेस्क संचालन हुँदै आएको छ ।
