माघ १२, पहिलो नेपाल – सडक यात्रालाई सहज बनाउने उद्धेश्यले अनेरास्ववियू बेलबारी क्याम्पस कमिटिले सडकमा जेब्रा क्रसिङ निर्माण गरेका छ । जेब्रा क्रसिङ हुदा बाटो काट्न सहज भई सडक दुर्घटनाको जोखिम कम हुने भन्दै अनेरास्ववियूमा आवद्ध विद्यार्थीहरुले जेब्रा क्रसिङ निर्माण गरेका हुन् । उनिहरुले बेलबारी सिसौली चौक हाइवेमा जेब्रा क्रसिङ निर्माण गरेका हुन् ।
अनेरास्ववियु बेलबारी क्याम्पस कमिटीका अध्यक्ष रविन चालिसेको अध्यक्षतामा भएको विद्यार्थी भेला तथा जेब्रा क्रसिङ निर्माण कार्यक्रममा अन्य संघ–संगठन बाट अनेरास्ववियुमा प्रवेश गरेका ५० जनालाई स्वागत पनि गरिएको थियो ।
कार्यक्रमका प्रमुख अतिथि अनेरास्ववियू केन्द्रिय सदस्य विष्णु यादवले बोल्दै अनेरास्ववियू मात्र यस्तो संगठन हो जसले सिक्षाको क्षेत्रमा मात्र नभएर विभिन्न सामाजिक क्षेत्रमा समेत उत्तिकै कार्यक्रम गर्दै आईरहेको बताए ।
कार्यक्रममा अनेरास्ववियू मोरङ संयोजक सन्तोष घिमिरे र केन्द्रीय सदस्य ताजिम अन्सारी तथा सुकुना स्ववियु सभापति मिलन घिमिरे लगायतको सहभागिता रहेको थियो ।
