माघ १३, पहिलो नेपाल – महेन्द्र मोरङ क्याम्पस विराटनगरमा स्ववियु चुनावको माहोल तातिएको छ। त्रिभुवन विश्वविद्यालयले आगामी फागुन १४ गते स्वतन्त्र विद्यार्थी युनियन (स्ववियु) को चुनाव गर्ने निर्णय गरेसँगै विभिन्न विद्यार्थी संगठनहरु आफ्नो पकडमा विद्यार्थीहरु ल्याउन लागिरहेका छन् ।
महेन्द्र मोरङ क्याम्पस विराटनगरमा विषेशगरि नेकपा निकट विद्यार्थी संगठन अनेरास्ववियू र काङ्ग्रेस निकट विद्यार्थी संगठन नेविसंघ स्ववियु चुनावको तयारीमा जुटिरहेको अवस्था छ । त्यसैअनुसार विद्यार्थीहरु माझ आ-आफ्नो संगठनको परिचय सहित ठूलो जमात लिएर संगठनमा आवद्ध नेताहरु क्याम्पस परिसरमा डुलिरहेला छन्। २०६५ सालदेखि महेन्द्र मोरङ क्याम्पसमा स्ववियु चुनाव हुन सकेको छैन्। स्ववियु चुनाव नहुँदा क्याम्पसमा व्यापक अनियमिता भैरहेकोले जसरी भएपनी चुनाव गराउनु पर्ने विद्यार्थी संगठनका नेताहरु बताउँछन्।
पुर्वाञ्चलकै गरिमा बोकेको यस क्याम्पसमा पछिल्लो समय विभिन्न निजि कार्यक्रमहरु ल्याएकोले विद्यार्थीहरुको संख्या उल्लेखनीय छ।
अनेरास्ववियूद्वारा संगठन विस्तार अभियान सुरु
यसैबीच स्ववियु चुनाव नजिकै आएसँगै अनेरास्ववियूले संगठन विस्तार अभियान सुरु गरेको छ। संगठन विस्तार अभियानको सुरुवाती चरणमा सोमबार विभिन्न तीन वटा कक्षा कमिटी गठन गरेको छ । बिएसडब्ल्यु प्रथम वर्ष र बिबिएस प्रथम वर्ष अन्तर्गत सेक्सन ‘ए’ र सेक्सन ‘बि’ गरि तिनवटा कक्षा कमिटी गठन भएको छ। बिएसडब्ल्यु प्रथम वर्षमा अश्लेष ढकालको अध्यक्षतामा २१ जनाको कमिटी गठन भएको छ। जसमा उपाध्यक्ष केनिश कुमार यादव , सचीवमा अनु श्रेष्ठ , सह सचिवमा मनिसा नेपाली रहेका छन् । त्यस्तै कोषाध्यक्षमा सुस्मिता खनाल रहेकी छन्।
यसैगरी बिबिएस प्रथम वर्ष अन्तर्गत सेक्सन ‘ए’ मा अस्मिता खतिवडाको अध्यक्षतामा ३० सदस्यीय कमिटी गठन भएको छ। जसमा सचिव गोबिन्द भण्डारी , कोषाध्यक्ष मुकेश कुमार शाह, उपाध्यक्ष आनन्द शाह र सह सचिवमा किस्मिता कार्की र सारद रिजाल रहेका छन् । त्यस्तै सेक्सन ‘बि’ मा श्रेया पौडेलको अध्यक्षतामा ३१ सदस्यीय कमिटी गठन भएको छ । जसमा उपाध्यक्ष सुभास महतो र विनोद कुमार यादव, सचिव प्रदीप नेपाल , सह सचिव सृष्टि लुइँटेल र कोषाध्यक्षमा सुनिता खत्री रहेकी छन्।
योसँगै अनेरास्ववियूले मंगलबार महेन्द्र मोरङ क्याम्पसको विस्तारित बैठक तथा प्रशिक्षण कार्यक्रम समेत राखेको छ। मंगलबार बिहान ९ बजे बाट क्याम्पसको समिक्षालयमा हुने कार्यक्रममा विभिन्न छलफल तथा नेताहरुद्वारा प्रशिक्षण समेत हुने अनेरास्ववियूका नेता जोसेफ घिमिरेले जानकारी दिए । संगठन विस्तार कार्यक्रममा अझै केहिदिन जारी रहने समेत उनले बताए । कार्यक्रममा अनेरास्ववियूका नेताहरु निर्मल भण्डारी , जोसेफ घिमिरे , अभिमन्यु यादव, नवीन पहाडी , उमेश डुङ्गाना लगायतको उपस्थिति थियो ।
