माघ १६, पहिलो नेपाल – आगामी फागुन १४ मा हुने भनिएको स्वतन्त्र विद्यार्थी युनियनको चुनावले अहिले देशभरका त्रिभुवन विश्वविद्यालयका आंगिक क्याम्पसहरु तातिएको छ। स्ववियु हुने हल्ला चलेसँगै अनेरास्ववियूका सम्भावित उमेदवारहरु क्याम्पसहरुमा सक्रिय देखिएका छन्। नेविसंघको भने आन्तरिक विवाद भएकाले खासै क्याम्पसहरुमा नदेखिएपनी अनेरास्ववियू भने सक्रिय छ।
यस्ता छन ठुला क्याम्पसका अनेरास्ववियूको तर्फबाट सम्भावित उमेदवार
उपत्यकाका प्रमुख क्याम्पसहरू रत्न राज्यलक्ष्मी क्याम्पसमा पूर्व एमालेनिकट अनेरास्ववियुका तर्फबाट संगमप्रसाद देवकोटा अगाडि सरेका छन् भने त्रिचन्द्रबाट गोविन्द थपलिया, मिन भवन एनसिसिबाट केशरी रेग्मी, प्रकाश रावल, टिका धमला, नेपाल ल क्याम्पसबाट विशेष शर्मा सुवेदी, शङ्करदेवबाट आशिष तिम्बु, पिएन क्याम्पसबाट सन्तोष न्यौपाने, महेन्द्रमोरङ्ग विराटनगरबाट जोसेफ घिमिरे, निर्मल भण्डारी , पशुपति बहुमुखी क्याम्पसबाट एल के राई, कोटेश्वर बहुमुखीबाट विक्रम पोख्रेलले स्वतन्त्र विद्यार्थी युनियनको अध्यक्षमा आफ्नो उम्मेदवारी दिने तयार गरेका छन् ।
त्यसैगरि पूर्व माओवादी समर्थित अनेरास्ववियुबाट रत्न राज्यलक्ष्मी क्याम्पसमा देवेन्द्र शर्मा त्रिचन्द्रबाट महेन्द्र चन्द, एनसिसि मिनभवनबाट तुलसीराम न्यौपाने, समराज राई, नेपाल ल क्याम्पसबाट प्रतीक कार्की, विष्णु ढुङ्गेल, शंखरदेवबाट पारु चौलागाईं, मदन ढकाल, अस्कलबाट खेम सिंह, किशोर तिमल्सिना, पिएन क्याम्पस पोखराबाट वसन्त भट्टचन, शोभित पौडेल, महेन्द्रमोरङ्ग विराटनगरबाट अभिमन्यु यादव, सानोठीमीबाट पार्वती शर्माले उम्मेदवारी दावी प्रस्तुत गरेका छन् ।
