माघ १७, पहिलो नेपाल – सत्तारुढ नेपाल कम्युनिष्ट पार्टी (नेकपा) को भातृ संगठन अनेरास्ववियूका प्रभावशाली नेता ओसिम आलमले अनेरास्ववियू मैदानमा उत्रीयोभने नेविसंघको भाग्ने र लुक्ने ठाउँ समेत नहुने बताएका छन्।अनेरास्ववियूका नेता तथा कोटेश्वर बहुमुखी क्याम्पसका स्ववियु सभापति माधव अधिकारीलाई नेपाल विद्यार्थी संघका कार्यकर्ताहरुले कुटपिट गरेपछि प्रतिक्रिया जनाउँदै आलमले यस्तो बताएका हुन्।
आलमले स्वतन्त्र विद्यार्थी युनियनको चुनाव आउनै लाग्दा नेविसंघका केहि गुण्डाहरुले आत्तिएर अनेरास्ववियूका कार्यकर्ता माथी सांघातिक हमला गरेको प्रती खेद प्रकट गरे । उनले भने, ‘ स्ववियुको चुनाव आउनै लागेको छ, नेविसंघले कहिँ कतै जित्ने अवस्था नदेखेपछी कुटपिट र गुण्डागर्दी शैली देखाएर तर्साउने काम गर्दैछ। यो अत्यन्तै निन्दनीय छ, अनेरास्ववियूले यसको जवाफ दिनुपर्यो भने राम्रो हुनेछैन्। ‘ साथै उनले आफ्ना कार्यकर्ता तथा स्ववियु सभापतिसमेत रहेका अधिकारीमाथि भएको कुटपिटप्रति संगठनको गम्भीर ध्यान आकर्षण भएको बताएका छन् । आलमले गुन्डागर्दी नियन्त्रणमा लिन प्रशासन गम्भीर बन्नुपर्ने समेत बताए।
तत्कालीन अनेरास्ववियुका केन्द्रिय सचीव समेत रहेका आलमले नेविसंघलाई स्ववियुमा स्वच्छ प्रतिस्पर्धा गर्न समेत आग्रह गरेका छन् । उने भने, ‘ लोकतान्त्रिक पार्टिको बौद्धिक संगठनले स्वच्छ प्रतिस्पर्धा मार्फत स्ववियु चुनावमा भाग लियोस्, यस्तो गुण्डागर्दी शैली अपनाए अनेरास्ववियू चुप लागेर बस्न सक्दैन्। अनेरास्ववियू मैदानमा निस्कियो भने नेविसंघको भाग्ने ठाउँ पनि हुँदैन,लुक्ने ठाउँ पनि हुँदैन। त्यस्को पनि ख्याल गरोस्।’
नेविसंघको केन्द्रीय तदर्थ समितिमा ३ जना पदाधिकारी चयन भएको २ दिन नबित्दै अनेरास्ववियू नेतामाथि कुटपिट भएको हो ।
