माघ १८, पहिलो नेपाल – विराटनगरस्थित अमर सेवा समितिले ३६ औं वार्षिक उत्सवको उपलक्ष्यमा तीन दिने कार्यक्रम सम्पन्न गरेको छ। २०४० सालमा स्थापित अमर सेवा समितिले तीन दिने कार्यक्रममा विभिन्न कार्यक्रमको आयोजना गरेको हो ।
कार्यक्रमको पहिलो दिन सहिदहरूको सम्झनामा दिपप्रज्वलन कार्यक्रमको आयोजना भएको हो । त्यस्तै दोस्रो दिन लायन्स क्लब अफ बिराटनगर सेन्ट्रलको सहयोगमा बोसो जम्ने रोगसँग सम्बन्धित सचेतनात्मक कार्यक्रम सप्पन्न भएको हो । सो कार्यक्रम डा. अग्रज उप्रेतीले प्रस्तुत गरेका थिए । सोही दिनको कार्यक्रममा लायन्स क्लब अफ बिराटनगर सेन्ट्रलका अध्यक्ष सन्दिपदास श्रेष्ठले झन्डै १० वर्ष पछि अमर सेवा समितिसँग सहकार्य गर्न पाएकोमा खुसी प्रकट गर्दै आगामी दिनमा सहकार्य गर्दै जाने बताएका थिए ।
त्यसैगरी अन्तिम दिन रक्तदान, हन्डीफोर, म्युजिकल चेयर लगायत विभिन्न कार्यक्रमको आयोजना भएको छ। अमेरिका बसोबास गर्ने मुकेस ढुंगानाले अमर टोल बस्ने बालबालिका तथा युवाहरूलाई स्वस्थ्य तथा राष्ट्रिय खेलाडी उत्पादन गर्न २५ हजार बराबरको खेलकुद सामाग्री अमर सेवा समितिलाई सहयोग गरेका छन् । सो खेलकुद सामाग्री मुकेस ढुंगानाका बुवा गुरू ढुंगानाले अमर सेवा समितिका अध्यक्ष विमल नेपाललाई हस्तान्तरण गरेका थिए। यसअघि पनि मुकेस ढुंगाना र सुसिल दाहालले एसएलसि पिडित प्रियंका राईलाई ४० हजार प्रदान गरेको समितिका सदस्य तथा युवा समाजसेवी भूषण पोमुले जानकारी दिए ।
कार्यक्रमको समापनमा बोल्दै अमर सेवा समितिका सल्लाहकार तथा वरिष्ठ समाजसेवी मेगराज श्रेष्ठले अहिलेको पिडी समाजिक संजालमा मात्र व्यस्त भई, सामाजिक नभएकोमा दुःख व्यक्त गरे । त्यस्तै विमल नेपालले अघिल्लो वर्ष शहिद दिवसमा छुट्टी हुने गरेको र कार्यक्रम त्यही दिन हुदाँ भव्य भएपनी आजकल कार्यक्रममा रौनकता घटेकोमा चिन्ता व्यक्त गरे । उनले आगामी दिनमा कार्यक्रमलाई अझ भव्य र सभ्य बनाउदै जाने बताए ।
विजेताहरूलाई विराटनगर ८ मा अवस्थित एक्जियम ग्रोसरीले गिफ्ट ह्याम्पर उपलब्ध गराएको थियो ।
