राजेन्द्र राईले उठाएको मुद्दा नेकपामा लागू, अबदेखी ब्यानरमा मार्क्स-एंगेल्सको फोटो राखिने

माघ १९, पहिलो नेपाल – सत्तारुढ नेकपाले पार्टी कार्यक्रमहरुमा अध्यक्षद्धय केपी ओली र प्रचण्डको फोटो नराख्ने निर्णय गरेको छ । केन्द्रिय कमिटीको दोश्रो पूर्ण बैठकको ब्यानरका दुई छेउमा ओली र प्रचण्डको फोटो राखिएपछि विवाद उत्पन्न भएको थियो । जिउँदा नेताहरुको फोटो टाँगेर राजतन्त्रकालिन झझल्को आएको भन्दै केन्द्रिय सदस्य राजेन्द्र राईले बिरोध गरेका थिए ।

राजेन्द्र राईको बिरोधपछि पार्टी कार्यक्रमहरुमा दुई अध्यक्षको फोटो राखिएको विषय आलोचनाको केन्द्र बनेको थियो । नेकपा सचिवालयको बैठकले पार्टी नेताहरुको साटो कार्ल मार्क्स र एंगेल्सको फोटो राख्ने सहमति गरेको अध्यक्ष प्रचण्डले केन्द्रिय कमिटी बैठकलाई सम्बोधन गर्दै जानकारी दिएका थिए ।