राप्रपा सांसद इन्दिरा राईद्वारा पृथ्वीनारायण शाहलाई राज्यले सम्मान नगरेको भन्दै दुख व्यक्त

माघ २५, पहिलो नेपाल – प्रदेश नं. १ सांसद इन्दिरा राईले सरकारले पृथ्वी जयन्तीलाई राष्ट्रीय एकता दिवसको रुपमा नमनाएको भन्दै दुख ब्यक्त गरेकी छन्। हिउँदे अधिवेसनको पहिलो बैठकमा बोल्दै उनले राष्ट्र निर्माता पृथ्वीनारायण शाहले नेपालीको पहिचान दिएको तर उनको सम्मान राज्यले नगरेको भन्दै दुख ब्यक्त गरेकी हुन् ।

पृथ्वीनारायण शाह कुनै राज्य र धर्म विशेषको नभइ सिंगो नेपालीहरुको एकताका सुत्रधार साथै राष्ट्र निर्माता भएकोले उनको उपहास गरिनु आफू नेपाली हुनुमै लज्जाबोध भएको बताउँदै उनले आउने वर्षमा पुस २७ लाई राष्ट्रिय पर्वको रुपमा मनाउन समेत आग्रह गरिन । साथै उनले देशको सार्वभौमसत्ता राष्ट्रिय अखण्डतालाई ध्यानमा राख्दै अमेरिकी सहयोग एमसिसि समेत अगाडी बढोस भनेर संसदको ध्यानाकर्षण गराएकी थिइन्। इन्दिरा राई प्रदेश सभाकी एकमात्र राप्रपाकी सांसद हुन् ।