माघ २८, पहिलो नेपाल – सरकारले ठाकुरप्रसाद ज्ञवालीलाई प्रहरी महानिरीक्षक (आइजीपी) मा नियुक्त गरेको छ । सर्वेन्द्र खनालले मंगलबारबाट अनिवार्य अवकाश पाएपछि रोलक्रममा रहेका प्रतिस्पर्धी प्रहरी नायब महानिरीक्षक (डिआइजी) मध्ये पहिलो नम्बरमा रहेका ज्ञवाली प्रहरी महानिरीक्षक नियुक्त भएका हुन् ।
मंगलबार बसेको मन्त्रिपरिषद बैठकले गृहमन्त्रालयको प्रस्तावलाई अनुमोदन गर्दै ज्ञवालीलाई आइजीपीमा नियुक्त गरेको हो । खनालसँगै तीन जनै एआइजीले समेत अवकाश पाएपछि प्रहरी नायब महानिरीक्षक (डिआइजी)बाट सरकारले सिधै आइजीपी नियुक्ति गरेको हो। ज्ञवाली खनालकै वैकल्पिक ब्याचका प्रहरी अधिकारी हुन्।
२०४७ साल असार २७ गते प्रहरी निरीक्षकबाट सेवा प्रवेश गरेका ज्ञवाली विद्यमान ३० वर्षे सेवाअवधि कायमै रहे पाँच महिना प्रहरी महानिरीक्षकको कुर्सीमा रहने छन् ।
Facebook Comments
