फागुन २२, पहिलो नेपाल – कोरोना भाइरसको माहामारी संसारभर फैलिएकाले मोरङ जिल्ला प्रशासनले भेला, सभासम्मेल जस्ता कार्यक्रममा नजान आग्रह गरेको छ। बिहीबार जिल्ला प्रशासनले सूचना जारी गर्दै कोरोना भाइरसबाट सचेत हुन आग्रह गरेको हो।
जिल्ला प्रशासन कार्यालयले होली, उत्सव, मेला जस्ता भिडभाड हुने कार्यक्रम आयोजना नगर्न समेत सचेत गराएको छ।
बिहीबारसम्म ८४ देशमा कोरोना भाइरसको संक्रमण देखापरेको छ। जसबाट ९५ हजार ५०९ जना बिरामी परेका छन् भने तीन हजार दुई ८६ जनाको मृत्यु भइसकेको छ।
विश्व स्वास्थ्य संगठनले पनि कोरोना भाइरसको उच्च जोखिम रहेका पाँच देशको सूचिमा नेपाललाई राखेको छ।
Facebook Comments
