चैत्र ४, पहिलो नेपाल – सत्तारुढ दल नेपाल कम्युनिष्ट पार्टी (नेकपा) को विद्यार्थी संगठन अनेरास्ववियूका सहसंयोजक रञ्जित तामाङले बिश्वब्यापी महामारीको रुप लिएको कोरोना भाईरसबिरुद्ध सरकार गम्भिर नबनेको भन्दै आपत्ति जनाएका छन् ।
उनले सरकारले विश्वभरी नै महामारीको रुप लिइरहेको भाइरसको संक्रमणबाट जोगिन सरकारले आवश्यक पहल नचालेको भन्दै आपत्ति जनाएका हुन् । उनले पटकपटक आग्रह गर्दा पनि सरकराले विद्यालय बन्द नगराएकोमा असन्तुष्टी जनाएका छन् ।
‘सरकारले भिडभाड जन्य भेला,भोज,मेला बन्द गरेता पनि स्कुल कलेज बिदा गर्ने बारे लापरवाही गरेको छ ।
म पुन दोहोर्याएर जोड गरेर भन्न चाहन्छु, सतर्कता अपनाउने भनेको स्कुल–कलेज पनि बिदा गर्नु नै हो । यसर्थ बिलम्ब नगरि स्कुल कलेज बिदा गर्न माग गर्दछु । सरकारले जरुरी ठाने स्वयम सेवक बन्न हामी युवा–विद्यार्थी तयार रहेको कुरा पनि जानकारी गराउँछौं,’ उनले भनेका छन् ।
उनले छिमेकी मुलुकमा देखिएको भाइरस नेपाल भित्रिनेतर्फ सरकार सचेत नभएको भन्दै जिम्मेवार बन्न सरकारलार्य आग्रह गरेका छन् ।
‘यदि संक्रमणले उग्र रुप लिए स्थिति भयावह हुने तर्फ बेलैमा सतर्क भएर पुर्व तयारी गर्नु बुद्धीमानी हुनेछ । सरकारले तयारी गरेको स्वागतयोग्य छ तर यति मात्र पर्याप्त हुने देखिदैन’, उनले भनेका छन्, ‘छिमेकी देशहरुको अवस्था हेर्दा हामी अझ सजक हुन जरुरी छ । शहरलाई सुरक्षित बनाउने चुनौती संगै ग्रामीण क्षेत्रलाई उपचारको सहज पहुच पुर्याउने जिम्मेवारी पनि सरकारले पुर्याउन जरुरी छ ।’
