भरतपुरमा बन्यो ७२ घण्टामा नै ५० शैयाको कोरोना विशेष अस्पताल

चैत्र ७, पहिलो नेपाल – भरतपुर महानगरपालिका–१० मा रहेको चितवन प्रदर्शनी केन्द्रमा ५० शैयाको ‘भरतपुर कोरोना विशेष अस्पताल’ तयार गरिएको छ ।

अस्पतालको बहिरङ्ग सेवा  तथा जनरल वार्ड आजबाट नै सञ्चालनमा आउनेछ । भरतपुर महानगरको अगुवाइमा ७२ घण्टामा नै अस्पतालको लागि आवश्यक उपकरण सहितको संरचना तयार गरिएको हो । आजदेखि अस्पतालको सेवा शुभारम्भ हुनेछ।

 

अस्पतालमा परिचालन हुने चिकित्सक, कर्मचारी र स्वास्थ्यकर्मीलाई विश्व स्वास्थ्य सङ्गठनको निर्देशनअनुसार आवश्यक तालिमसमेत दिइएको अस्पतालमा परिचालन हुने स्वास्थ्यकर्मीलाई शतप्रतिशत प्रोत्साहन भत्ता र सुरक्षित पोशाकको व्यवस्था गरिएको छ। कोरोनाको आशङ्का भएका बिरामीलाई मात्र यस अस्पतालमा राखिने छ । अस्पतालमा रहने बिरामी र स्वास्थ्यकर्मीका लागि आवश्यक खानादेखि इन्टरनेटसम्मका सुविधाको व्यवस्था गरिएको छ ।