कोरोना कहर: पछिल्लो २४ घन्टामा २३ सय भन्दा बढिको मृत्युु

चैत्र १२, पहिलो नेपाल-
कोरोना भाइरस (COVID-19) बाट मृत्यु हुनेको संख्या तिव्र गतिमा बढ्न थालेको छ। पछिलो २४ घन्टामा मात्र यसबाट २ हजार ३ सय ७३ जनाको मृत्यु भएको छ। त्यस्तै यसबाट मृत्यु हुनेको प्रतिशत पनि एकैदिनमा २ प्रतिशतले बढ्दै १५ प्रतिशत पुगेको छ।

साथै ४३ हजार ७२१ जना नयाँ संक्रमित भेटिएका छन्। युरोप र अमेरिकामा तिव्र गतिमा यो भाइरस फैलिरहेको छ। पछिल्लो २४ घन्टामा मात्र इटालीमा ७ सय ४३ जनाको मृत्यु भएको छ भने ५ हजार २ सय ४९ नयाँ संक्रमित भेटिएका छन्। त्यस्तै पछिल्लो २४ घन्टामा स्पेनमा ६ सय ८० जनाको मृत्यु भएको छ भने ७ हजार नयाँ संक्रमित भेटिएका छन्। फ्रान्समा २ सय ४० जनाको मृत्युु भएको छ भने २ हजार ४ सय ४८ नयाँ संक्रमित फेला परेका छन। यता अमेरिकामा भने नयाँ संक्रमितको संख्या ११ हजार ७४ रहेको छ भने पछिल्लो २४ घण्टामा २ सय २२ जनाको मृत्यु भएको छ।

यो भाइरसको संक्रमणबाट हालसम्म १८ हजार ८ सय ८७ जनाले ज्यान गुमाइसकेका छन् भने ४ लाख २२ हजार ५ सय ६६ जना संक्रमित भएका छन्। वोल्डोमीटर्सका अनुसार उपचारपछि निको भएर १ लाख ८ हजार ३ सय ८८ जना घर फर्केका छन्।

संक्रमित बिरामीको संख्यामा पहिलो नम्वरमा अहिले पनि चीन नै रहेको छ । चीनमा ८१ ह्जार १ सय ७१ जना संक्रमित छन्। त्यस्तै इटालीमा ६९ हजार १ सय ७६ जना कोरोना भाइरस संक्रमित रहेको उल्लेख  छ।

त्यसपछि अमेरिका ,स्पेन,जर्मनी,इराक र फ्रान्स धेरै संक्रमित हुने सूचीमा छन्। ज्यान गुमाउनेमा इटालीमा पहिलो नम्वरमा छ। इटालीमा हालसम्म ६ हजार ८ सय २० जनाले ज्यान गुमाएका छन् । दोस्रो नम्वरमा चीन छ। चीनमा ३ हजार २ सय ७७ जनाले ज्यान गुमाएका छन्।

उपचार पनि निको हुने बिरामीको संख्यामा चीन पहिलो नम्वरमा छ। चीनमा ७३ हजार १ सय ५९ जना निको भएर घर फर्केका छन्। त्यस्तै इरानमा ८ हजार ९ सय १३ जनाको उपचार भएको छ। इटालीमा ८ हजार ३ सय २६ जना निको भएको कोरोना भाईरस बारे नियमित अपडेट दिईरहेको वोल्डोमिटर्सले जनाएको छ।