चैत्र २१, पहिलो नेपाल –
विश्वव्यापी महामारीको रुपमा फैलिएको कोरोना भाइरस (कोभिड-१९) का कारण फ्रान्समा एकैदिन १३ सय भन्दा बढिको मृत्यु भएको छ। पछिल्लो २४ घण्टामा मात्र फ्रान्समा १३ सय ५५ जनाको मृत्यु भएको छ। यो सँगै फ्रान्समा मृत्यु हुनेको संख्या ५ हजार ३ सय ८७ पुगेको छ।
कोरोना भाइरस सम्बन्धि निरन्तर अपडेट दिईरहेको वोल्डिमिटर्सका अनुसार पछिल्लो २४ घन्टामा विश्वभर ६ हजारको हाराहारीमा मृत्यु भएको छ। पछिल्लो २४ घण्टामा ५ हजार ९ सय ७४ जनाको मृत्यु भएको छ। यो एकैदिन मृत्यु भएको अहिलेसम्मकै सबैभन्दा धेरै हो।
पछिल्लो २४ घण्टामा अमेरिकामा ९ सय ६८ जनाको मृत्यु भएको छ। त्यस्तै स्पेनमा ९ सय ६१ जनाको मृत्यु भएको छ। इटालीमा ७ सय ६०, बेलायतमा ५ सय ६९, जर्मनीमा १७६, बेल्जियममा १८३ जनाको मृत्यु भएको छ।
साथै पछिल्लो २४ घण्टामा ८० हजार नयाँ संक्रमित भेटिएका छन्। यो पनि अहिलेसम्मकै उच्च हो। अमेरिकामा तिव्र गतिमा फैलिएको भाइरस पछिल्लो २४ घण्टामा मात्र ३० हजार नयाँ संक्रमित भेटिएका छन्। अमेरिका संक्रमितको संख्या अहिलेसम्म २ लाख ४५ हजार पुगिसकेको छ।
चिनको बुवान शहरबाट फैलिएको नोबेल कोरोना भाइरसका कारण हालसम्म ५३ हजार १ सय ९० जनाको मृत्यु भैसकेको छ भने संक्रमित १० लाख १५ हजार नाघिसकेको छ। त्यस्तै २ लाख १२ हजार उपचार पछि निको भएर घर फर्किएका छन्। दिनप्रतिदिन बढ्दै गैरहेको मृत्युदर २० प्रतिशत पुगिसकेको छ।
