कोरोना कहर: ज्यान गुमाउनेको संख्या ६५ हजार पुग्यो, संक्रमित १२ लाख नाघे

चैत्र २०, पहिलो नेपाल –
विश्वव्यापी महामारीको रुपमा फैलिएको कोरोना भाइरस (कोभिड-१९) का कारण ज्यान गुमाउने संख्या ६५ हजारको हाराहारीमा पुगेको छ। पछिल्लो २४ घण्टामा ५ हजार ९ सयको मृत्यु भएसँगै ज्यान गुमाउनेको संख्या ६४ हजार ७ सय पुगेको हो।

कोरोना भाइरस सम्बन्धि निरन्तर अपडेट दिईरहेको वोल्डिमिटर्सका अनुसार अमेरिकामा मात्र पछिलो २४ घन्टामा १ हजार ३ सय ३१ जनाको मृत्यु भएको छ। त्यस्तै फ्रान्समा पनि १ हजार ५३ जनाको मृत्यु भएको छ। स्पेनमा ७ सय ४९, बेलायतमा ७ सय ७ जना र इटालीमा ६ सय ८१ जनाको मृत्यु भएको छ।

साथै पछिल्लो २४ घण्टामा ८४ हजार ८ सय नयाँ संक्रमित भेटिएका छन्। अमेरिकामा तिव्र गतिमा फैलिएको भाइरस पछिल्लो २४ घण्टामा मात्र ३४ हजार १ सय ९६ जना नयाँ संक्रमित भेटिएका छन्। अमेरिका संक्रमितको संख्या अहिलेसम्म ३ लाख १२ हजार पुगिसकेको छ।

चिनको बुवान शहरबाट फैलिएको नोबेल कोरोना भाइरसका कारण हालसम्म १२ लाख १ हजार नाघिसकेको छ। त्यस्तै २ लाख ४६ हजार उपचार पछि निको भएर घर फर्किएका छन्। दिनप्रतिदिन बढ्दै गैरहेको मृत्युदर २१ प्रतिशत पुगिसकेको छ।