विराटनगरको गुद्री बजार आजबाट नयाँ ठाउँमा

चैत्र २३, पहिलो नेपाल –
विराटनगरको गुद्री बजार सरेको छ। यसअघि विराटनगर ९ स्थित मुख्य बजारभित्र रहेको गुद्री आजबाट औपचारिक रुपमा विराटनगर ११ जनपथमा सरेको हो। यसअघि अव्यवस्थित र बजारभित्र बढी फोहोरमैला भएकोले गुद्री मुख्य बजारभन्दा केही पर सारिएको हो।

विराटनगर ११ स्थित जनपथमामा रहेको नागेश कोइरालाको जग्गामा गुद्री सरेको हो। विगत केही महिनाअघिबाट गुद्रीका लागि आवस्यक संरचना निर्माण गरिँदै आएको थियो। आवस्यक संरचना निर्माण कार्य सम्पन्न भएसँगै आइतबारबाट औपचारिक रुपमा संचालनमा आएको व्यवस्थापन समितिका सचिव शाहव अहमद गुड्डुले जानकारी दिए।

नागेश कोइरालाको २ विघा जग्गा १५ वर्षको लागि भाडामा लिएर गुद्री संचालनमा ल्याईएको व्यवस्थापन समितिका सचिव अहमद गुड्डुले जानकारी दिए। पहिलेको भन्दा व्यवस्थित रहेको र अझै व्यवस्थापन गर्दै लैजाने समेत उनले बताए समितिको अध्यक्ष पशुपती भगत रहेका छन् ।