सांसद पण्डितको पहलमा मोरङका विभिन्न ठाउँमा राहत सामाग्री वितरण

चैत्र २४, पहिलो नेपाल –
मोरङ क्षेत्र नं ६ का संघीय सांसद लालबाबु पण्डितको पहलमा गरिब तथा विपन्नलाई राहत वितरण गरिएको छ। विश्वव्यापी महामारीको रुपमा फैकिएको नोबेल कोरोना भाइरसका कारण सरकारले लक डाउन गरेपछी दैनिक जिविकोपर्जन गर्नेहरुलाई समस्या भएपछि सांसद पण्डितको पहलमा आफ्नो निर्वाचन क्षेत्रमा राहत वितरण गरिएको हो ।

पुर्व संघीय मामिला तथा सामान्य प्रशासन मन्त्री समेत रहेका पण्डिततको पहलमा बुढिगंगा गाउँपालिकाका विपन्न तथा गरिव घरपरिवारलाई खाद्यान्न वितरण गरिएको हो। ५० बोरा चामल र १० बोरा आलु गरिब तथा विपन्न परिवारलाई वितरण गरिएको हो। सांसद पण्डितको पहलमा जानकी कोल्ड ईण्डस्ट्रीजका श्री रिषिमोहन रेग्मी र छोरा दुर्गामणी (सुप्रीम) रेग्मीले खाद्यान्न उपलब्ध गराएको सांसदका स्वकीय सचीव मनोज राईले जानकारी दिए।

त्यस्तै बिराटनगर ५ स्थित कारखाना टोलमा अति विपन्न ९० परिवारलाई पनि राहत सामाग्री उपलब्ध गराईएको छ। साथै विराटनगर ७ स्थित हरियाली टोलका अति विपन्न ६१ परिवारलाई राहत स्वरुप खाद्यान्न वितरण गरिएको सांसद पण्डितका स्वकीय सचिब मनोज राईले जानकारी दिए। सांसद पण्डितको पहलमा राठी ग्रुप तथा डिपिएस स्कुलले राहत सामाग्री सहयोग गरेको हो।

साथै सांसद पण्डितकै पहलमा सुन्दरहरैचामा समेत राहत सामाग्री उपलब्ध गराईएको छ। पण्डितले १ हजार ५ सय केजि चामल र १ सय ५० केजि नुन प्रदान गरेका हुन्। सो राहत सामाग्री नेकपा सुन्दर हरैचा नगर कमिटीले नगरपालिकालाई हस्तान्तरण गरेको हो। सरकारले घोषणा गरेको लकडाउनले गर्दा दैनिक ज्वलादारी तथा मजदुरी गर्ने साथै विपन्न परिवारहरु समस्यामा परेकोले राहत सामाग्री उपलब्ध गराएको सांसद पण्डितका स्वकीय सचिव मनोज राईले बताए।