कोरोना भाइरसमा राजनीति नगर्न विश्व स्वास्थ संगठनको चेतावनी

चैत्र २७,पहिलो नेपाल –
विश्व स्वास्थ्य संगठनले भाइरसका विषयमा भइरहेको राजनीतिकरण अन्त्य गर्न आग्रह गरेको छ । डब्लुएचओका महानिर्देशक टेड्रोस अधानम घेब्रेयेससले कोरोना भाइरसका विषयमा भइरहेको राजनीतिकरण अन्त्य गरी एकताबद्ध हुन आव्हान गरेका हुन्।

अमेरिकी राष्ट्रपति डोनाल्ड ट्रम्पले डब्लुएचओ चीनकेन्द्रित भएको आरोप लगाउँदै राष्ट्रसंघलाई दिँदै आएको रकम रोक्ने चेतावनी दिएपछि डब्लुएचओ प्रमुखको यो प्रतिक्रिया आएको हो।

महानिर्देशक टेड्रोसले ट्रम्पको आरोपको खण्डन गर्दै आफूहरुले सबै मुलुकलाई निकट रुपमा हेरिरहेको बताउँदै कोभिड राजनीतिलाई क्वारेन्टाइनमा राख्न पनि आग्रह गरे।

डब्लुएचओको कूल बजेटको १५ प्रतिशत अमेरिकाले योगदान गर्छ।