चैत्र ३०, भारत –
विश्वव्यापी महामारीको रुपमा फैलिएको कोभिड १९ को संक्रमण पछिल्लो समय भारतमा पनि तिव्र गतिमा फैलिँदै छ। भारतमा पछिल्लो २४ घण्टामा ३९ जनाले ज्यान गुमाएसँगै मृत्यु हुनेको संख्या २८८ पुगेको छ । भारतमा एकैदिन ८ सय ४६ जनामा संक्रमण देखिएसँगै संक्रमित हुनेको संख्या ८ हजार ४४६ पुगेको छ ।
भारतमा संक्रमितमध्ये ९६९ जना उपचारपछि निको भएका छन् । ७ हजार १८९ जनाको विभिन्न अस्पतालमा उपचार भइरहेको छ ।
नेपाल भारतबिच खुल्ला सिमाना रहेकोले भारतमा भाइरस फैलदा नेपाललाई पनि खतरा हुने देखिन्छ। यसैविच शनिबार प्रधानमन्त्री ओलिले अनि सबै मुख्यमन्त्रीहरुलाई तत्काल लकडाउन नखोल्ने बताईसकेका छन्।
चिनको वुहानबाट शुरु भएको कोरोना संक्रमणको दर यूरोपियन मुलुक हुँदै पछिल्लो समय अमेरिकामा तीव्र देखिएको हो ।
यसैबीच, विश्वव्यापी रुपमा कोरोना भाइरसका कारण हालसम्म १ लाख ८ हजार ७७० जनाले ज्यान गुमाएका छन् भने संक्रमितको संख्या १७ लाख ७८ हजार ९ सय भन्दा बढी रहेको छ ।
