बिरगंज मस्जिदमा बस्दै आएका ३ जना भारतीय नागरिकमा कोरोना भएको पुष्टि

चैत्र ३०, विराटनगर –
वीरगञ्जस्थित मस्जिदमा बस्दै आएका तीन जना भारतीय नागरिकमा कोरोना पोजेटिभ भेटिएको छ । उनिहरु सप्तरीमा भएको मुस्लिम धर्मावलम्बीहरुको एउटा धार्मिक सभामा सहभागी भएर वीरगञ्ज मस्जिदमा बस्दै आएका थिए। योसँगै नेपालमा पुष्टि भएका कोरोना संक्रमितको संख्या १२ पुगेको छ ।

काठमाडाैंस्थित राष्ट्रिय जनस्वास्थ्य प्रयोगशाला टेकुमा नमुना परीक्षण गर्दा उनीहरुको रिपोर्ट पोजेटिभ भेटिएको हो। यसअघि हेटौंडास्थित प्रयोगशालामा परीक्षण गर्दा उनीहरुको रिपोर्ट पोजेटिभ आएको थियो । सप्तरीको धार्मिक सभामा सहभागी भएका उनीहरुसहित ३३ जनाको नमुना संकलन गरी गत बिहीबार हेटौंडा प्रयोगशालामा परीक्षणका लागि पठाईएको थियो।

संक्रमित तीनैजना दुईसातादेखि मस्जिदमा बस्दै आएका थिए। संक्रमित मध्ये २ जना उत्तरप्रदेश र एक जना दिल्लीमा बस्ने गरेका थिए ।