नेपालमा थप २ जनामा कोरोना देखियो, संक्रमितको संख्या १६ पुग्यो

वैशाख २, विराटनगर –
नेपालमा थप २ जनामा कोरोना पोजेटिभ देखिएको छ। पेप्सीकोला टाउन प्लानिङस्थित सनसिटी अपार्टमेन्टमा बसेका एकै परिवारका २ जनामा कोरोना देखिएको हो। ३ जनामध्ये एक जनाको पीसीआर परीक्षणमा कोरोना संक्रमण नभेटिएको स्वास्थ्य तथा जनसंख्या मन्त्रालयले जनाएको छ।

मंगलबार आएको रिपोर्टमा ८१ वर्षीय आमा र ५७ वर्षीय छोरामा कोरोना पोजिटिभ देखिएको थियो भने बुहारीको कोरोना नेगेटिभ नदेखिएको मन्त्रालयले पुष्टि गरेको हो ।

सोमबार र्‍यापिड टेष्टका क्रममा एकैघरका तीन जनाको कोरोना पोजिटिभ देखिएपछि पाटन अस्पतालको आइसोलेसनमा भर्ना गरेर पुनः परीक्षणका लागि राष्ट्रिय जनस्वास्थ्य प्रयोगशाला पठाइएको थियो ।

बेलायतबाट चैत ५ गते नेपाल फर्केका उनीहरु सनसिटी अपार्टमेन्टमा बसोबास गर्दै आएका छन् ।