विराटनगरमा रहेका १२ जना कोरोना संक्रमितमा कुनै लक्षण छैन

बैशाख ६, बिराटनगर –
कोशी अस्पताल विराटनगर अन्तर्गत कोभिड–१९ उपचार केन्द्रमा भर्ना गरिएका १२ जना कोरोना संक्रमितको अवस्था सामन्य रहेको छ । उदयपुरबाट शनिबार विहान १ बजे विराटनगर ल्याएर भर्ना गरिएका ११ जना भारतीयसहित एकजना नेपालीको अवस्था सामान्य रहेको र उनिहरुमा कुनै लक्षण नदेखिएको कोशी अस्पताल मेडिकल सुपरिटेन्डेन्ट डा. संगिता मिश्राले बताएकी छन्।

संक्रमित १२ जनालाई सामान्य औषधी चलाईएको छ। उदयपुर त्रियुगा नगरपालिका–३ भुल्केस्थित मस्जिदमा बस्दैै आएका ११ जना भारतीयसहित एकजना नेपालीमा कोरोना संक्रमित पुष्टि भएपछि उनीरुलाई कोशी अस्पतालको कोभिड–१९ उपचार केन्द्रमा भर्ना गरिएको हो ।